1. Jehovah saro-piaro

Amin’ny anarany lehibe,

’Zay misy mpanaratsy

Sy mpanakiana maro be.

Nef’izy mbola miandry,

Efa ela ihany izay;

Iriny ireo mpanota

Hibebaka indray.

Ny olona rehetra

Dia samy tiany hovonjena.

Tsy sasatra Jehovah,

Fa miandry sady manantena.

2. Raha sendra diso ny hafa,

’Zay lafy tsara no hevero;

Dia aza misendaotra,

F’izay tsy nety andefero.

Miezaha handanjalanja,

Ny fanahy no angataho;

Na misy mahakivy,

Toneo re ny fonao.

Raha misy azo antenaina,

Aleo mba manantena ihany.

Miandrasa, mandefera;

Jehovah no tahafo hatrany.