1. Калыкем, тылат ойлем мый,

Ончык веле ошкылаш,

Ок кӱл еҥ дечын лӱдаш.

Кажнылан кӱлеш ойлаш:

Вуйлаташ Христос тӱҥалын,

Сӱмыралын Сатанам.

Шинчырлен вашке осалым,

Мландым Эрге утара.

2. Кеч тушманда шуко уло,

Лӱдыкташ тендам тыршат,

Мыскылаш гына шонат,

Шояклен алгаштарат;

Калыкем, лӱдаш огеш кӱл —

Те ода код шкет шоген.

Мый лиям эртак воктенак,

Шӱлышем дене вӱдем.

 3. Нигунам тендам ом кодо.

Шке вием ден утарем.

Колашат кеч верештеш,

У тӱняште кынелтем.

Капым пуштшо деч ида лӱд,

Чоным пуштын огыт керт.

Тыршыза кодаш ӱшанле,

Вет вуча тендам пӧлек.