Еховагийн Гэрчүүд Бурхныг болон бусдыг хайрладаг учраас Библийн сайн мэдээг бүх хүнд хүргэхийг зорьдог (Матай 22:37–39). Тиймээс сонирхохгүй гэсэн хүмүүсийг ч сайн мэдээг хүлээж аваасай гэж хүсдэг. Бид Бурхныг гэсэн хайрандаа хөтлөгдөн түүний Хүү Есүсийн өгсөн «сайтар гэрчил» гэсэн тушаалыг дуулгавартай дагадаг (Үйлс 10:42; 1 Ёохан 5:3). Ийнхүү эртний зөнчдийн адилаар Бурхны мэдээг хүмүүст дахин дахин хүргэдэг (Иеремиа 25:4). Мөн бид хүмүүст хайртай учраас амь аврах «Хаант төрийн тухай энэхүү сайн мэдээг» бүх хүнд, тэр дундаа урьд нь татгалзсан хүнд ч дуулгахыг хичээдэг (Матай 24:14).

 Сонирхдоггүй гэж хэлсэн хүн дээр Еховагийн Гэрчүүд яагаад дахин очдогийг та мэдмээр байна уу?

•   Тэр байрны эзэн нь солигдож өөр хэн нэгэн нүүж ирсэн байж магадгүй.

•   Тэр айлын өөр хэн нэгэн сайн мэдээг сонирхох тохиолдол байдаг.

•   Хүний үзэл бодол өөрчлөгддөг. Нийгмийн болон нөхцөл байдлаа дагаад хүний үзэл бодол ч бас өөрчлөгдөх нь бий. Тиймээс зарим хүн «Бурхны тухай мэдэх хэрэгтэйгээ ухамсарлан», Библийн мэдээнд анхаарлаа хандуулдаг (Матай 5:3). Эсэргүүцэгч байснаа элч болсон Паулын нэгэн адил хүмүүс өөрчлөгдөж болно шүү дээ (1 Тимот 1:13).

 Хүн бүр ямар шашин шүтэхээ өөрсдөө шийдэх эрхтэй (Дэд хууль 30:19, 20). Тиймээс бид сайн мэдээгээ сонсгох гэж хэнийг ч албаддаггүй (1 Петр 3:15).