Kena, tojuantij tijkauaj ma techpajtikaj uan nojkia tipajtolouaj. Maske timomokuitlauiaj pampa amo tijnekij tijpiasej se kokolistli, kemantika tiauij timopajtiaj (Lucas 5:31). Uan sekij Jehová itlajtoltemakauaj tekitij kej tepajtianij, sanse kej Lucas, se Cristo itokilijka katli itstoya uejkajkia (Colosenses 4:14).

 Maske timopajtiaj, tojuantij amo tijtekiuiaj pajtli tlaj kiixpano tlen Biblia tlanauatia. Biblia kiijtoua amo ma timotlalilikaj estli, yeka amo tijtekiuiaj kema timopajtiaj (Hechos 15:20). Nojkia Biblia kiijtoua amo kuali timopajtisej ika tetlajchiuiyanij (Gálatas 5:19-21).

 Onka miak tlamantli tlen ika uelis timopajtisej. Biblia amo techiljuia tlake uelis tijtekiuisej o tlake amo, yeka sejse moneki tijtlapejpenisej tlaj kena uelis timopajtisej ika se tlenijki o amo. Kemantika se akajya uelis kinekis kitekiuis se pajtli uan uelis seyok amo kinekis (Gálatas 6:5).