Uma usuke wadaniswa yinkolo ethile, kungaba nzima ukuthi uphinde uthembe enye inkolo. Kodwa qiniseka ukuthi ikhona ongayithemba. UJesu esesemhlabeni waqoqa iqembu labalandeli bakhe ababethembekile wasebafundisa ukuthi baphile belandela izimiso zikaNkulunkulu. Abalandeli bakaKhristu beqiniso, okutsho abantu abazama konke okusemandleni abo ukuthi baphile belandela izimiso zobuKhristu, basesekhona. Ungabathola ngaphi?

USibongile, esike sakhuluma ngaye kwesinye isihloko esidlulileyo, uthi: “Ekucineni ngafundiswa iBhayibhili ngoFakazi bakaJehova. Akungithathelanga sikhathi ukuzwisisa umbhalo kaJohane 8:32, othi: ‘Lizalazi iqiniso, njalo iqiniso lizalikhulula.’”

URay, esike sakhuluma ngaye, uthi: “Ukufunda iBhayibhili laboFakazi bakaJehova kwanginceda ukuthi ngikwazi ukuthi uNkulunkulu kayisuye obangela ukuthi abantu bahlupheke. Ngathaba ukwazi ukuthi okwakhathesi uNkulunkulu ulesizathu esihle sokuvumela ububi, lokuthi uthembisa ukuthi ngesikhathi esiseduze esizayo uzabutshabalalisa.”

Akuthandabuzwa ukuthi kunzima ukwenza okuhle nxa abantu abanengi besenza okubi. Kodwa ungakwenza. Abantu abanengi balesifiso sokuncediswa ukuthi bazwisise iBhayibhili lokwenza elikutshoyo. Yikho oFakazi bakaJehova befundisa izigidi zabantu emhlabeni wonke iBhayibhili mahala. Iviki ngayinye izigidi zabantu zifunda okufundiswa liBhayibhili sibili. Ngenxa yalokho zisondela kuMdali wazo, njalo ziyajabula empilweni. *

Lapho ozahlangana khona laboFakazi bakaJehova, kungaba kuhle ukubabuza ukuthi kungani bona bethemba inkolo yabo. Hlola izimfundiso zabo lalokho asebekwenzile ubusuzikhethela uma ikhona inkolo ongayithemba.