Na bangɔ ankɛtɛ kɔi ti fãnani mɛ ali na ndo lɛ gigi zu, a se amu azi siɔ ko, kɔi ka popo tɛ ala na nɛngɔ ya, ni ngbã ni kɔi na bɛ ni.

•   “Azi zu alengbi ti mangɔ tɛrɛ la ya, ani ngbã na bɛ ani, abɛse ala na bulu kɛ̃ bere ala ndo du ka wa.”​—Chido Mpemba, vice-président ti linɔ mɛ na ndo ba kpale ti mangbi tɛ azi na ndo lɛ gigi zu.

 Azi gba ndo da bɛ la ya, bo azi mɛ ndo du na bɛ la bere akangba la alengbi ti mangɔ tɛrɛ la ya, ani ngbã na bɛ ani, kanda ta adu biani ma, ni lengbi nga ti singɔ na ayangambi, azi mɛ na sãte ti nzɔ̃ni, awa ngenza nga na azi mɛ ali libala. Kpale ti mangɔ tɛrɛ ya, zo ngbã na bɛ lo alengbi ti gbɛ̃ngɔ sãte nga na bingangɔ li tɛ zo.

•   “Se zo ndo ma tɛrɛ lo ya, ni ngbã na bɛ ni ko, ta angbã bo na se mɛ lo ndo ma na tɛrɛ lo ma. Mangɔ tɛrɛ ngaso alengbi kpɔngɔ azi nga ma se mɛ nyɔngɔ manga kũ na bi kɔi alengbi ti lingɔ na ni.” Tɛnɛ tɛ Dɔktɛrɛ. Vivek Murthy, wa lingɔ lipaso ka États-unis.”

 Ta gwɛ̃ tɛ Wa lingɔ e adu ya, e ngbã na bɛ e ma. Dangɔ bɛ tɛ Nzapa adu ya, azi du na dungɔ lɛ ngɛ̃́ ti dengɔ bɛ bi zu, wa ala sépala na mangbi ti nzɔ̃ni na azi mɛndɛ̃.

•   Wangɔ ti ya Ngbangɔ: “Nzapa tɛnɛ ya: ‘Ta adu nzɔ̃ni ya, zo du lo kɔi ma.’”​—Ebandeli 2:18.

 Nzapa ye ya, e ná lo e ti na mangbi. Lo ko kapa ya, ni na dɔngɔ dã na e, se e li kpengbani ti dɔngɔ dã na lo.​—Zaki 4:8.

•   Wangɔ ti ya Ngbangɔ: “Dengɔ bɛ na azi ko la ahĩnga gwɛ̃ tɛ la ti nyingɔ na lo mɛ ya, Lo-lengɔ Gbia ti ndozu adu tɛ la.”​—Matie 5:3.

 Nzapa ye ya, e vɔrɔ lo ndoni kɔi na azi mɛndɛ̃. Na ngoi mɛ e ndo li ngaso ko, ni ndo za e ya, e du na dengɔ bɛ.

•   Wangɔ ti ya Ngbangɔ: “Ale e ndodu na kpengba lɛ na popo tɛ e ya, [e sa ngunu bɛ afɔ e, wa] e yengbi aɔ ti uzu, ko e li nga anzɔ̃ kwa, [ta] e dɔ nɔngɔ bombi tɛ e, e zia ma, . . . Kanda ale e ndosangbi nguru bɛ.”​—Aebreo 10:24, 25.

 Ti nɛngɔ ya mɔ hĩnga kpale gba na ndo se mɛ mɔ lengbi ti kpɛngɔ mangɔ tɛrɛ mɔ ya, mɔ ngbã na bɛ mɔ ko, di bɛli tɛnɛ mɛ “La solitude à l’ère de la communication.”