Zimene Baibulo Limanena?
Kodi Mdyerekezi ndi ndani?
KODI MUNGAYANKHE KUTI Mdyerekezi ndi . . .
Mngelo?
Maganizo oipa a mumtima mwa munthu?
Munthu wongoyerekezera?
ZIMENE BAIBULO LIMANENA
Nthawi ina Mdyerekezi analankhulapo ndi Yesu ndipo ‘anamuyesa.’ (Mateyu 4:1-4) Choncho Mdyerekezi si munthu wongoyerekezera kapenanso maganizo oipa amene amakhala mumtima mwa munthu. Iye ndi mngelo woipa.
MFUNDO ZINANSO ZOMWE TIKUPHUNZIRA M’BAIBULO
Poyamba Mdyerekezi anali mngelo wabwinobwino koma kungoti “sanakhazikike m’choonadi.” (Yohane 8:44) Kenako anakhala wabodza ndiponso anaukira Mulungu.
Angelo enanso anakhala kumbali ya Satana poukira Mulungu.—Chivumbulutso 12:9.
Mdyerekezi amachititsa anthu ambiri kuganiza kuti iye kulibeko.—2 Akorinto 4:4.
Kodi Mdyerekezi angalamulire zochita za anthu?
ANTHU ENA AMAKHULUPIRIRA kuti n’zosatheka kulamuliridwa ndi Mdyerekezi, pomwe ena amachita mantha kwambiri kuti akhoza kugwidwa ndi mizimu yoipa. Kodi inuyo mukuganiza bwanji?
ZIMENE BAIBULO LIMANENA
“Dziko lonse lili m’manja mwa woipayo.” (1 Yohane 5:19) Mdyerekezi amalamulira kwambiri zochita za anthu, koma sikuti amalamulira zochita za munthu aliyense.
MFUNDO ZINANSO ZOMWE TIKUPHUNZIRA M’BAIBULO
Mdyerekezi amagwiritsa ntchito chinyengo pofuna kupusitsa anthu.—2 Akorinto 11:14.
Nthawi zina mizimu yoipa ikhoza kulamulira zochita za anthu.—Mateyu 12:22.
Mulungu angakuthandizeni ‘kutsutsa Mdyerekezi.’—Yakobo 4:7.
Mwina Mungakondenso Kudziwa Izi
KUYANKHA MAFUNSO A M’BAIBULO
Kodi Mdyerekezi Alipodi?
Kodi Mdyerekezi ndi uchimo umene umakhala mumtima mwa munthu kapena ndi mngelo woti alipodi?
KUYANKHA MAFUNSO A M’BAIBULO
Kodi Mulungu Analenga Mdyerekezi Kuti Azitiyesa?
Kodi Satana anachokera kuti? Werengani nkhaniyi kuti mudziwe chifukwa chake Yesu ananena kuti Mdyerekezi “sanakhazikike m’choonadi.”
KUYANKHA MAFUNSO A M’BAIBULO
Kodi Mdyerekezi Angalamulire Zochita za Anthu?
Kodi Mdyerekezi amakola bwanji anthu, ndipo ifeyo tingatani kuti tisakodwe ndi misampha yake?
