Псалом 120:1—7
Зарӕг, горӕтмӕ цӕугӕйӕ.
120 Йегъовӕмӕ сдзынӕзтон зын сахат+,Ӕмӕ мын дзуапп радта+.
2 О Йегъовӕ, мӕ уд мын фервӕзын кӕн мӕнг ӕвзагӕй+,Хин ӕвзагӕй+.
3 Цы дыл сӕмбӕлдзӕн, цы дӕм ӕнхъӕлмӕ кӕсы,О хин ӕвзаг?+
4 Тыхджын адӕймаджы цыргъ фаттӕ+Ӕмӕ къутӕрбӕласы судзгӕ зынгтӕ+.
5 Мӕгуыр мӕ бон! Ӕз дӕн ӕрцӕуӕггаг Мешехы+.Цӕрын Кедары цатырты ’хсӕн+.
6 Ӕгӕр дӕр ма фӕцардтӕн+,Сабыр цард чи нӕ уарзы, уыдоны ’хсӕн+.
7 Мӕн фӕнды сабырӕй цӕрын+, фӕлӕ исты куы сдзурын,Уӕд сӕхи тохмӕ ӕрцӕттӕ кӕнынц+.