Proverbio 6:1-35
6 Ana’ko, no ginarantiyaan moy utang na kaabay mo,+No akipasamano ka* ed agkabat a too,+
2 No apatitan ka ed sipan mo,A narel ka ed saray imbalikas na sangim,+
3 Oniay gawaen mo, ana’ko, pian makalukpos ka,Ta naplag kad lima na kaabay mo:
La ka tan manpaabeba ka tan mikasi kan tampol ed sikato.+
4 Agka onuugip,Tan agmo ipipikit iray matam.
5 Lukpos kan singa ulsa ed lima na manag-erel na ayep,Singa manok ed lima na manag-erel na manok.
6 La ka ed gilata, sika a mangiras;+Obserbaan mo ray gagawaen to tan magmaliw kan marunong.
7 Anggano anggapoy komandante, opisyal, odino manuley to,
8 Ipaparaan toy naakan to no tiagew,+Tan mantitipon na abasto to no panag-ani.
9 Anggad kapigan ka ondukol ditan, sika a mangiras?
Kapigan ka onliing?
10 Diad daiset ya ugip, diad daiset a lirep,Diad daiset a pantalikepkep pian manpainawa,+
11 Onsabid sika so kairapan a singa tulisan,Tan say pankaukolan mo a singa armadon too.+
12 Say andi-kakanaan tan mauges a too et manliliberliber tan mansasalita na panamalingo;+
13 Ikikindat toy mata to,+ mansisinyas ed panamegley na sali to, tan igagalaw to ray gamet to.
14 Lapud mapalikdoy puso to,Sikatoy naynay a manplaplanoy mauges+ tan mamapalesay dakel a kolkolan.+
15 Lapud satan et biglan onsabi ed sikato so desyang;Maples so kaderal to tan agla makapawil ed dati.+
16 Walay anemiran bengatla a kabusol nen Jehova;On, pitora so bengatla a kagula to:*
17 Mapaatagey iran mata,+ matilan dila,+ tan saray lima a mamapaagus na dala na andiay kasalanan,+
18 Puson manggegetma na mauges iran pakana,+ tan saray salin maples ya ombabatik a paonlad kaugsan,
19 Palson testigo a puro katilaan so ibabaga to,+Tan samay mangigagapo na saray kolkolan ed saray sanaagi.+
20 Ana’ko, unor moy ganggan nen amam,Tan agmo ibabaliwala so bilin* nen inam.+
21 Ibedber mo iratan a naynay ed pusom;Isinger mo iratan ed beklew mo.
22 Sano manaakar ka, itonton to ka;Sano ondudukol ka, bantayan to ka;Tan sano onliing ka, mitongtong ed sika.*
23 Ta say ganggan et sakey a silew,+Tan say bilin et sakey a liwawa,+Tan saray panametek na disiplina et dalan a mamaarap ed bilay.+
24 Ipaliis da ka ed mauges a bii,+Diad makapaayat a panagsalita na imoral* a bii.+
25 Agmo pipilaleken ed pusom so ganggana to+Tan agmo aabuloyan a nasagyat to ka ed saray makaingganyon mata to,
26 Ta lapud paabang a bii, say sakey a laki et mansumpal ed sakey a tinapay,+Balet say biin asawa na arum a laki et pupuntiryaen toy pinabpablin bilay* na sakey.
27 Makapangiyan ta na apoy so sakey a too ed pagew to tan agnapoolan iray kawes to?+
28 Odino makapanakar ta so sakey a too diad saray ngalab ya agnapuldakan iray dapan to?
29 Mipadparay nagawa ed siopaman a miaakdol ed bii ya asawa na kaabay to;Siopaman a maniwit ed sikato et agmakaliktar ed dusa.+
30 Agbubusolen na totoo so sakey a matakewNo mantatakew pian sikatoy napesel* sano narasan.
31 Balet sano naerel, sikatoy manbayar na maminpito;Iter toy amin a mablin bengatla ed abung to.+
32 Siopaman a mikakalugoran ed sakey a bii et andiay maong a pakatebek;*Samay manggagawa ed saya et iyaakar toy kadederal ed sarili to.*+
33 Sugasugat tan kababaingan labat so nagunggona to,+Tan say kabandayan to et agnabural.+
34 Ta say imon so mamapasanok ed asawan laki;Anggapoy panangasi to sano ombales.+
35 Sikatoy agmangawat na bayar;*Tan agnakuyong, anggan panon kabaleg so iregalom.
Paimanod leksab
^ Salanti, pian mangisipan.
^ Odino “na kamarerwa to.”
^ Odino “ganggan.”
^ Odino “bilinen to ka.”
^ Odino “kamarerwa.”
^ Odino “pian peneken so kamarerwa to.”
^ Literal, “mankaukolan na puso.”
^ Odino “kamarerwa to.”
^ Odino “dondon.”
