ساڈیاں عبادتاں بارے ہور جانو۔ اپنے علاقے چ عبادت دا پتہ لبھو۔‏

یہوواہ دے گواہ ہر ہفتے دو واری عبادت لئی کٹھے ہوندے نیں۔ (‏عبرانیوں 10:‏24، 25‏)‏ ایہناں عبادتاں تے اَسی پاک کلام دیاں سچائیاں تے غور کرنے آں تے سکھنے آں کہ اَسی اپنی زندگی وچ ایہناں دے مطابق کیویں چل سکنے آں۔ ایہناں عبادتاں تے ہر کوئی آ سکدا اے۔‏

عام طور تے ساڈیاں عبادتاں سکول دی کلاس وانگوں ہوندیاں نیں تے ایہناں وچ ہر کوئی ہتھ کھڑا کر کے حصہ لے سکدا اے۔ پر حصہ لینا یاں نہ لینا تواڈی اپنی مرضی اے۔ ہر عبادت گیت تے دُعا نال شروع تے ختم ہوندی اے۔‏

ساڈیاں عبادتاں تے ہر کوئی آ سکدا اے بھانویں اوہ یہوواہ دا گواہ ہے یاں نئیں۔ داخلہ مُفت اے تے کوئی چندہ نئیں لیا جاندا۔‏