خوشخبری سناؤ
یہوواہ دے گواہواں دی کنونشن 2024
داخلہ مُفت ہوئے گا • کوئی چندہ نئیں لیا جائے گا
کنونشن دے کجھ خاص حصے
جمعہ: جدوں یسوع زمین تے آیا تے ایہہ اِک خوشی دی گل سی۔ تُسی ویکھو گے کہ اِنجیلاں چ اوہدے بارے جیہڑیاں گلاں دَسیاں گئیاں نیں اوہ بالکل سچیاں نیں۔ نالے تُسی سکھو گے کہ بائبل دے ایہناں واقعیاں توں توانوں اَج وی فائدہ کیویں ہو سکدا اے۔
ہفتہ: یسوع دی پیدائش تے بچپن بارے کیہڑیاں پیشینگوئیاں کیتیاں گئیاں؟ کیہہ ایہہ پیشینگوئیاں واقعی پوریاں ہوئیاں؟
اِتوار: دُنیا دے وِگڑدے حالاتاں دے باوجود لکھاں لوک اِک چنگے مستقبل دی امید رکھدے نیں۔ تقریر ”سانوں بُریاں خبراں توں کیوں نئیں ڈرنا چاہی دا؟“ چ جانو کہ تُسی وی ایہہ امید کیویں رکھ سکدے او۔
ڈرامہ
خوشخبری—یسوع مسیح دی زبانی: قسط 1
دُنیا دی اصلی روشنی
یسوع دی پیدائش اِک معجزہ سی۔اوہدے بچپن چ ہور وی کئی حیران کر دین والے واقعے ہوئے۔ مثال لئی، اِک بےرحم بادشاہ اوہنوں جانوں مارنا چاہندا سی۔ ایس لئی اوہدے ماں پیو اوہنوں بچان لئی مصر لے گئے۔ جدوں اوہ تھوڑا وڈا ہویا تے اوہدی حکمت تے گلاں توں وڈے وڈے عالم ہکےبکے رہ گئے۔ جمعے تے ہفتے نُوں آ کے ایہناں زبردست واقعیاں نُوں ویکھو۔
ایس سال دی کنونشن بارے جانن لئی ایہہ ویڈیوز ویکھو
”ساڈیاں دلچسپ تے فائدے مند کنونشناں“
ایس ویڈیو چ ویکھو کہ یہوواہ دے گواہواں دِیاں کنونشناں تے کیہہ ہوندا اے۔
2024 لئی یہوواہ دے گواہواں دی کنونشن: خوشخبری سُناؤ
ویکھو کہ اَسی ایس سال دی کنونشن تے کیہہ کجھ سکھاں گے۔
ڈرامے دا ٹریلر: خوشخبری—یسوع مسیح دی زبانی
بوہت سارے لوک ایہہ جان دے نیں کہ یسوع دی پیدائش اِک معجزہ سی۔ پر کیہہ توانوں پتہ اے کہ اوہدی پیدائش توں پہلاں تے بعد چ ہور کیہڑے حیران کر دین والے واقعے ہوئے؟