“Allita ruraq nunakunapaqqa kë patsam herenciankuna kanqa, y tsëchömi imëyaqpis alli kawakuyanqa”.

Salmus 37:29

“Kë patsaqa manam ni imëpis ushakanqatsu”.

Eclesiastes 1:4

“Llapanta gobernaq Señor Jehovämi llapan nunakunapa weqinta pitsanqa, y wanuytam o wañuytam ushakätsinqa”.

Isaïas 25:8

“Tsë witsanqa wiskukunapis o qaprakunapis rikäyanqam, y sordukunapa rinrinkunapis wiyanqam. Tsë witsanqa, cöjukunapis luychunöran saltakachäyanqa, y müdukunapis kushikurmi büllayanqa. Tsunyaq sitiuchöpis yakum pashtamunqa, y tsaki pampachöpis mayukunam kanqa”.

Isaïas 35:5, 6

“Nawinkunapitam llapan weqita limpianqa, y nunakunaqa manam wanuyanqanatsu, llakikuyanqannatsu, waqayanqanatsu ni nanatsikuyanqanatsu. ¡Teyta Diosmi llapan sufritsimanqantsik kaqkunata ushakätsinqa!”.

Apocalipsis 21:4

 “Kikinkunapaqmi wayikunata rurayanqa, y kikinkuna mikuyänampaqmi üvastapis plantayanqa. Rurayanqan wayikunaqa manam jukkunapaqtsu kanqa, y plantayanqan üvaskunapis manam jukkunapaqtsu kanqa. Juk planta mëtsika watakuna kawanqannömi, sirwimaqnï nunakunaqa mëtsika wata kawayanqa. Y trabajarnin llapan tariyanqankunaqa kikinkunapaqmi kanqa”.

Isaïas 65:21, 22