Bann Témoin Jéova, i èm si tèlman Bondié é domoun, ké zot i èm fé konèt la Bib èk tout kalité domoun, é osi èk sak té fine di azot ké zot té pa intérèsé (Matié 22:37-39). Zot lamour pou Bondié i pous azot pou obéi lo komandman son garson, pou alé « prèché » (Akt 10:42 ; 1 Jan 5:3). Sé pousa zot sava plizièr foi koz la vérité èk domoun, kom bann profèt Bondié la fé dann tan lontan (Jérémi 25:4). Kom nou èm domoun nou ésèy koz èk zot, dési lo « gayar nouvèl lo Roiyom » k’i pé sov la vi tout domoun, mèm sak té pa intérèsé avan (Matié 24:14).

 Kan nou artourn oir domoun té pa intérèsé avan, souvan i ariv ké nou néna bann gayar ti diskusion èk zot. Alon oir 3 rézon :

•   Domoun i pé alé abit in not koté

•   Dot moun dan lo mèm kaz i pé ékout anou

•   Domoun i pé chanjé. Tout sak i ariv dan lo monn oubien sak i èspas dan zot vi, i fé ké désèrtin i rokoné zot « la bézoin Bondié », alor zot i intérès azot sak la Bib i di (Matié 5:3). Mèm domoun ké té drès kont nou, i chanj zot fason pansé, kom lapot Pol la fé (1 Timoté 1:13).

 Nou fors pa pèrsone pou ékout anou (1 Pièr 3:15). Nou pans ké chakèn néna lo droi choizi son rolijion (Détéronom 30:19, 20).