GIĽI 44
O manuš dukhade jileha vičinel ko Jehovas
(Žalm 4:1)
-
1) Devla miro! Me vičinav zorales
ko ňebos.
Bije zor the korkoro som
sar pro baro moros.
Andro jilo but pharipen –
pherdo ča žaľaha.
Jehova! Šaj sasťares man?
Devla! Tut rodava.
(REFREN)
Chude, Devla, man vastestar!
Zachraňin man la žaľatar!
Ča ke tute man visarav.
De nevi zor! Ach, tut mangav.
-
2) Tiro lav sar e skala hin,
kaj šaj man garuvav.
Tu šunes man the akor,
sar me našťi vakerav.
Zoraľar tire lavestar miro
paťaviben.
Bareder sar miro jilo
hin tiro kamiben.
(REFREN)
Chude, Devla, man vastestar!
Zachraňin man la žaľatar!
Ča ke tute man visarav.
De nevi zor! Ach, tut mangav.
(Dikh mek Žalm 42:6; 119:28; Rim. 8:26; 2. Kor. 4:16; 1. Jána 3:20.)
