VYOBA VYARIYADUKIJE?
Ukuguru kw’ifarasi
IFARASI irashobora kwiruka ku muvuduko w’ibilometero 50 kw’isaha. Naho bisaba ko ikoresha cane ingingo z’umubiri wayo, nta nguvu nyinshi rwose irinda gukoresha. None ivyo ibishobora gute? Akabanga kari mu maguru yayo.
Raba ingene bigenda igihe ifarasi iriko iriruka cane. Iyo ukuguru gushitse hasi, imitsi n’imirya vyayo bikweguka bica bironka inguvu zituma ifarasi igira intege zo kugenda. Ni nka kurya nyene bigenda iyo utunye irasoro ugaca uyirekura.
Vyongeye, igihe ifarasi iriko iriruka cane, amaguru yayo arajugumira rwose ku buryo imirya yayo ishobora kugira ingorane. Ariko imitsi yo mu maguru ica icuvya ukwo kujugumira. Abashakashatsi bavuga ko ukwo kuntu “imitsi n’imirya bikora, birimwo ubuhinga bukomeye cane” butuma ifarasi igira inguvu ikongera ikabanguka.
Abahinga bariko bararaba ukuntu bokwigana ubuhinga buri mu maguru y’ifarasi kugira bahingure imashini zitwa robo zigendera ku maguru ane. Ariko rero, ikigo kimwe c’ivy’ubuhinga bwa none c’i Massachusetts kivuga ko ubuhinga buri mu maguru y’ifarasi buhanitse cane, ku buryo bitoroshe kubwigana ukoresheje ibikoresho n’ubumenyi abahinga bafise ubu.
None uvyibazako iki? Ukwo kuntu amaguru y’ifarasi ameze, coba ari ikintu ciyadukije? Canke hariho uwabikoze?
Raba kandi
BE MASO!
Ukuntu ibiruka bimeze
Imero y’ibiruka (inzu z’ibifyera) n’ingene bikozwe birabifasha gukingira ibifyera.
BE MASO!
Utwamwa tw’ubururu bukayangana cane
Utwo twamwa nta kintu kiri muri two gihingura iryo bara, ariko dufise ibara ry’ubururu rikayangana cane gusumba iry’ibindi bimera vyose. None iryo bara rikayangana ryatwo riva kuki?
BE MASO!
Ubwoya bw’igikoko citwa loutre de mer
Ibikoko bimwebimwe vyonsa vyo mu mazi usanga bifise ikinure kibifasha kuguma bisusurutse. Igikoko citwa loutre de mer coco gikoresha ubundi buhinga.
BE MASO!
Ingene uruyuki rugwa ahantu
Kubera iki ubuhinga inzuki zikoresha mu kugwa ahantu bworoshe cane gukoresha mu gutunganya ubuhinga bwo kuyobora imashini zitwa robo ziguruka?
BE MASO!
Ikinyegeri kirinda ubushuhe
Ico kinyegeri kiri mu bikoko birinda ubushuhe kuruta ibindi. Ni ibiki bigifasha kurinda izuba rimena imbwa agahanga?
BE MASO!
Utugozi tw’agakoko kitwa moule marine
Udukoko twitwa moules marines turamata ahantu dukoresheje utuntu tumeze nk’utugozi. Gutahura ubwo buhinga vyofasha gutora uburyo bushasha kandi bwiza kuruta bwo kumadika ibintu ku mazu canke gufatanya imitsi n’amagufa.
