URURIRIMBO RWA 152
Ahantu hazotuma ushemezwa
1. Yehova we waremy’ijuru
Nah’ijur’urirengeye,
Impwemu yawe yoy’iguma
Mur’iyi nyubakw’isanzwe.
Twebw’abari mu muco wawe
Dusharij’iyi nyubakwa.
Turagukorera mu bumwe,
Tugatuma uhimbarwa.
(IKIRARO)
Nta kintu dufise
Tutahawe na wewe.
Ivyo tuguha vyose
N’ivyo waduhaye.
(ICITABIRIZO)
Turashim’ivy’ukora vyose.
Tuzokwama tuguhaya.
Waraturonkej’aha hantu
Hazotuma ushemezwa.
2. War’uzi yuko dukeneye
Ahantu hagushemeza
Hagafash’abasavyi bawe,
N’abandi bakakumenya.
Ese aha hantu hotuma
Ivy’ugomba biranguka,
Mbere bigakorwa ningoga
Nk’uko Krist’abitegeka
(IKIRARO)
Tuguhay’ivyacu
Hamwe n’umwanya wacu.
Ni w’ubibereye
We waduhaye vyose.
(ICITABIRIZO)
Turashim’ivy’ukora vyose.
Tuzokwama tuguhaya.
Waraturonkej’aha hantu
Hazotuma ushemezwa.
