WI MAN STOP BITA-ATI
2 | No pai ogri fu ogri
Bijbeltekst:
„Te wan sma du unu wan ogri, un no musu du a sma dati ogri baka. . . . Du ala san yu man fu libi bun nanga ala sma. No pai wan sma gi na ogri di a du nanga yu, . . . bika Gado buku taki: ’Na mi o puru atibron na den tapu. Mi o pai den baka gi den ogri di den du, na so Yehovah taki.’”—ROMESMA 12:17-19.
San a wani taki:
Leki libisma wi kan atibron te wan sma du wan hati sani nanga wi. Ma Gado no wani taki wi du wan hati sani baka nanga a sma. Na presi fu dati a e gi wi deki-ati fu wakti nanga pasensi, fu di a pramisi taki a o puru ala ogri.—Psalm 37:7, 10.
San yu kan du:
Te sondu libisma e pai ogri fu ogri, dan dati e meki taki moro bita-ati kon de. Fu dati ede efu wan sma du wan ogri nanga yu, no du ogri nanga en baka. Suku fu hori yusrefi èn no du ogri. Son leisi a moro bun fu libi a tori so (Odo 19:11). Ma son leisi yu abi fu du wan sani. Fu eksempre, efu sma du wan ogri-ati sani nanga yu, yu kan go suku yepi na skowtu.
Wi e kori wisrefi te wi e pai ogri fu ogri
Ma san yu kan du efu a problema no man lusu na wan rustig fasi? Noso efu yu du ala san yu man fu lusu a problema? No pai ogri fu ogri. Fu di dati kan meki a situwâsi kon moro ogri. Ma te yu hori yusrefi, dan dati o yepi fu no meki bita-ati tan gro. Leri fu frutrow tapu Gado taki a o lusu a problema. „Frutrow tapu en, dan ensrefi o yepi yu.”—Psalm 37:3-5.
Kande yu lobi den tori disi tu
BIJBEL E KENKI SMA LIBI
Mi ben wani tapu a desko di a wan ras ben e desko wan trawan
Rafika go ini wan grupu di ben wani feti kruktudu. Ma a kon si taki Bijbel e pramisi taki Gado Kownukondre o tyari freide nanga retidu kon.
