Naon Dua Alesan nu Nyababkeun Allah Teu Ngadangukeun Doa?
Jawaban Alkitab
Aya sababaraha doa nu henteu didangukeun ku Allah. Pék perhatikeun dua alesan nu nyababkeun Allah ngabaékeun doa saurang jalma.
1.Doa nu teu luyu jeung kahoyong Allah
Allah moal ngajawab doa nu papalingpang jeung kahoyong-Na atawa papakon-Na nu aya dina Alkitab. (1 Yohanes 5:14) Contona, Alkitab ngalarang urang jadi jalma nu hawek. Tapi, kabiasaan judi mekarkeun sipat hawek. (1 Korinta 6:9, 10) Jadi lamun Sadérék ngadoa pikeun meunangkeun judi, Allah tangtu moal ngajawab. Allah téh lain jin nu bisa Sadérék panggil pikeun ngabulkeun kabéh paménta Sadérék. Urang justru nganuhunkeun kana hal ieu. Lamun henteu, Sadérék bisa jadi sieun kana paménta batur ka Allah.—Yakobus 4:3.
2.Jalma nu ngadoa boga lalampahan nu nyimpang
Allah moal ngadangukeun doa jalma-jalma nu ngahaja barontak ka Mantenna. Contona, aya jalma nu ngaku ngawula Mantenna tapi lalampahanna nyimpang. Allah ngomong ngeunaan maranéhna, ”Rek ngadaroa sakumaha rosana ge ku Kami moal ditolih. Sabab maraneh nadahkeun leungeun anu lamokot ku getih.” (Yesaya 1:15) Tapi, lamun maranéhna tobat sarta rukun deui jeung Allah, Mantenna bakal ngadangukeun doa maranéhna.—Yesaya 1:18.
Tingali ogé
WARTA HADÉ
Ku Naon Gusti Teu Ngajawab Kabéh Doa?
Kitab Suci méré nyaho doa siga kumaha nu bakal jeung moal didéngékeun ku Gusti.
PANANYA NU DIJAWAB ALKITAB
Naon nu Bisa Urang Doakeun?
Tingali yén hal-hal pribadi ogé dianggap penting ku Allah.
WARTA HADÉ
Kumaha Supaya Doa Urang Didéngé ku Gusti?
Pék ngadoa ka Gusti di mana waé, iraha waé, di jero haté, atawa diucapkeun. Nabi Isa méré nyaho naon waé nu bisa didoakeun ku urang.
PANGAJARAN PENTING
Naha Kabéh Doa Didangukeun ku Gusti?
Kumaha mun saurang jalma ngadoa pikeun kapentinganana sorangan? Kumaha mun di imah, saurang salaki kasar ka pamajikanana, ari isukanana ngadoa ménta diberkahan?
