Lae. Ema rihun ba rihun neʼebé laʼós Testemuña, neʼebé mate tiha ona, sira sei iha oportunidade atu hetan salvasaun. Bíblia esplika katak “Maromak sei fó moris-hiʼas ba ema diʼak no ema aat” iha mundu foun neʼebé Nia promete nanis ona. (Apóstolu 24:15) No ema barak neʼebé sei moris ohin loron mós sei iha oportunidade atu serbí Maromak no hetan salvasaun. Loloos, ami la iha direitu atu deside sé mak sei hetan salvasaun no sé mak sei la hetan, tanba Maromak foti ona Jesus nuʼudar tesi-lia naʼin, laʼós ita ema.—João 5:22, 27.