1. Ang mundo ngayo’y magulo at liko,

Daan ng Diyos ay ’di alam.

Wastong patnubay para sa ’ting hakbang,

Ito ang ating kailangan.

Mga pulong natin ay naglalaan

Ng pag-asa at ginhawa.

Pananampalataya’y tumitibay;

Lakas ating nadarama.

Ito’y hindi natin pababayaan;

Utos ng Diyos ay susundin.

Mga pulong ay tutulong sa atin

Na tama ang ating gawin.

2. Alam ni Jehova ating kailangan;

Ang payo niya ay pakinggan.

’Pag naglaan ng panahon sa pulong,

Ito’y isang karunungan.

Sa mabuting turong napakikinggan,

Tayo ay napasisigla.

Dahil nandiyan ang ating kapatiran,

Kailanma’y ’di mag-iisa.

Habang hinihintay ating pag-asa,

Sila ay ating samahan.

Dahil dito sa pulong nalalaman

Makadiyos na karunungan.