Mafumbo Ghazgoleka
Cifukwa wuli Yesu Khristu wizengeso?
Pambere Yesu Khristu wandakwere kucanya mu 33 C.E., wakalayizga kuti wamuweraso. Wakajiyaniska na munthu wakuzirwa uyo wakafumapo kwa nyengo yitali. Ndipo wati wawerako wakaŵa themba. Ntheura, Yesu wazamwizaso na cilato cakuti wazakawuse ŵanthu mwaurunji.—Ŵazgani Luka 19:11, 12.
Yesu wazamuwusa makora ŵanthu
Kasi Yesu wazamwiza na thupi la wunthu? Apo Yesu wakawuka ku ŵakufwa, wakaŵa na thupi lauzimu. (1 Petrosi 3:18) Ndipo pamasinda wakaluta kucanya na kukhala ku woko lamalyero la Ciuta. (Salmo 110:1) Paumaliro, wakatolekera panthazi pa Yehova Ciuta, uyo ni “Mulara Wamwaka.” Ndipo Yehova wakapa Yesu mazaza ghakuti wawuse ŵanthu. Ntheura, Yesu pakwiza wazamuŵa na thupi la wunthu yayi, kweni lauzimu nga ni Themba lambura kuwoneka.—Ŵazgani Daniel 7:13, 14.
Kasi Yesu wazamucita vici para wiza?
Para Yesu wiza pamoza na ŵangelo ŵake, wazamweruzga ŵanthu. Wazamuparanya ŵaheni, kweni awo ŵazomera kuti iyo waŵe Themba lawo, wazamuŵapa umoyo wamuyirayira.—Ŵazgani Mateyu 25:31-33, 46.
Para Yesu wazakamba kuwusa pa caru capasi, caru cose cizamuzgoka paradiso. Wazamuwuska ŵakufwa kuti ŵazakakondwe na umoyo mu caru ca pasi ca Paradiso.—Ŵazgani Luka 23:42, 43.
Panji Mungatemwa Kuŵerengaso Nkhani Izi
MAFUMBO AGHO BAIBOLO LIKUZGORA
Kasi Ufumu wa Chiuta Ni Vichi?
Chifukwa wuli boma la Chiuta ndapachanya chomene?
GONGWE LA MULINDA
Kasi Cizamucitika Nchivici pa Zuŵa la Ceruzgo?
Ŵanthu ŵakugomezga vinthu vyakupambanapambana vyakukhwaskana na Zuŵa la Cheruzgo. Kasi ndakofya? Kasi lizamuchita vichi?
