RI NGA ITA MINI URI RI SI TSHA VHENGA VHAṄWE?
1 | Ni Songo Vha Na Tshiṱalula
Bivhili I Ri:
“Mudzimu ha ṱaluli, kha tshaka dzoṱhe ane a mu ofha, a ita zwo lugaho u a mu ṱanganedza.”—MISHUMO 10:34, 35.
Zwi Amba Mini?
Yehova * Mudzimu ha ṱaluli. Ha na ndavha na uri ri vha lushaka lufhio, muvhala wa lukanda lwashu kana mvelele yashu. Zwine a vha na ndavha nazwo ndi zwine ra humbula nga hazwo na zwine ra tama u zwi ita. Zwiṅwe hafhu, Bivhili i ri “muthu u vhona zwa nga nnḓa, fhedzi Yehova u vhona zwi re mbiluni.”—1 Samuele 16:7.
Zwine Na Nga Zwi Ita:
Naho ri sa koni u vhona zwi re mbiluni dza vhaṅwe vhathu, ri nga lingedza u edzisa Mudzimu nga u sa vha na tshiṱalula. Iledzani u haṱula vhathu sa tshigwada. Arali ni sa takaleli vhaṅwe vhathu, khamusi ngauri ndi vha luṅwe lushaka, humbelani Mudzimu uri a ni thuse uri ni shandule nḓila ine na ḓipfa ngayo nga ha vhenevho vhathu. (Phisalema 139:23, 24) Arali na humbela Yehova zwi tshi bva mbiluni uri a ni thuse uri ni si vhe na tshiṱalula, ni nga vha na vhungoho ha uri u ḓo thetshelesa thabelo yaṋu na u ni thusa.—1 Petro 3:12.
^ phar. 6 Yehova ndi dzina ḽa Mudzimu.—Phisalema 83:18.
“Ndo vha ndi sa athu u vhuya nda dzula na mutshena nga mulalo ri sa khou lwa . . . Zwino ndo no vha muraḓo wa vhahashu vha shangoni ḽoṱhe vhane vha funana.”—VHO TITUS
