Yihoowa Markkati Atotettaa Demmanay Bantta Xalla Giidi Qoppiyoonaa?
Akkay. Beni deˈida, Yihoowa Markka gidenna daro miilooniyan qoodettiya asaykka atotettaa demmana danddayees. Xoossay ehaanawu qaalaa gelido ooratta alamiyan, ‘worddoykka xilloykka hayquwaappe denddanaagaa’ Geeshsha Maxaafay yootees. (Oosuwaa 24:15) Qassi Xoossawu oottiyoogaa doommibeenna, ha wodiyan deˈiya daro asaykka atotettaa demmana. Gidoppe attin, atotettaa demmanay woy demmennay oonakko pirddiyay nuna gidokko. Hegee Yesuusa xallawu imettida aawatettaa.—Yohaannisa 5:22, 27.
Hageeta Beˈadii?
ASAY DAROTOO OYCHIYO OYSHATA
Yihoowa Markkati Sooppe Soo Biidi Haggaaziyoogan Atotettaa Demmana Giyoonaa?
Nuuni atotettaabaa ammaniyoobaa qassi hegaa waati demmana danddayiyaakko era.
ijwfq huuphe yohuwaa 4