Ithini IBhayibhile Ngokuhlalisana?
Impendulo esuka eBhayibhileni
IBhayibhile ithi uThixo ufuna abantu ‘bakuphephe ukuziphatha kakubi ngesondo.’ (1 Tesalonika 4:3) EBhayibhileni, “ukuziphatha kakubi ngesondo” kudibanisa ukukrexeza, ukulala kwendoda nenye indoda okanye ibhinqa nelinye ibhinqa, nokwabelana ngesondo kwabantu abangatshatanga.
Kutheni kubalulekile kuThixo ukuba indoda nebhinqa batshate?
NguThixo oze nomtshato. Weza nawo xa watshatisa indoda nomfazi wokuqala. (Genesis 2:22-24) Wayengafuni indoda nomfazi bahlalisane.
UThixo uyazazi izinto ezinceda abantu. Wenza umtshato ukuze abo batshatileyo bangohlukani nto leyo eza kunceda ize ikhusele lonke usapho. Masenze umzekelo. Xa uthenga ifenitshala kuye kubekho iphepha elibhaliweyo elichaza indlela yokudibanisa amacala ayo kakuhle. Ngendlela efanayo noThixo uyasichazela indlela yokwenza umtshato uphumelele. Imiyalelo kaThixo iyabanceda abantu abayithobelayo.—Isaya 48:17, 18.
Iphepha eliphuma nefenitshala libhalwe ngumntu obeyenza, likuxelela indlela omele uyidibanise ngayo. Nemiyalelo kaThixo ke isixelela izinto esimele sizenze ukuze sibe nemitshato ephumelelayo.
Ukwabelana ngesondo kwabantu abangatshatanga kuza neengxaki. Ngokomzekelo, kunokwenza umntu amithe engafuni, afumane isifo esifumaneka xa wabelane ngesondo okanye ophuke intliziyo. a
UThixo udale abantu bakwazi ukuba nabantwana xa besabelana ngesondo. KuThixo ubomi bungcwele, ibe ukwazi ukuba nabantwana sisipho esixabisekileyo. Ufuna sisihloniphe esi sipho ngokuhlonipha umtshato.—Hebhere 13:4.
Yintoni embi ngokuhlalisana ukuze sibone ukuba singonwaba na?
Ukuqala nihlalisane ngaphambi kokuba nitshate akuthethi ukuba niza kuba nomtshato ophumelelayo. Endaweni yoko, xa abantu abathandanayo bobabini bezimisele futhi besebenzisana ukuze balwe neengxaki ezivelayo, baye baphumelele. b Uze umtshato uqinise loo nto.—Mateyu 19:6.
Abantu abatshatileyo bangawuqinisa njani umtshato wabo?
Awukho umtshato ongenazingxaki. Kodwa abantu abatshatileyo banokuba nomtshato ophumelelayo ukuba basebenzisa amacebiso asuka eBhayibhileni. Nantsi imizekelo yaloo macebiso:
Izinto ezifunwa ngumntu otshate naye mazize kuqala kunezakho.—1 Korinte 7:3-5; Filipi 2:3, 4.
Thandanani futhi nihloniphane.—Efese 5:25, 33.
Funda ukuzibamba, ungathethi kakubi.—IMizekeliso 12:18.
Yiba nomonde uze ukhawuleze uxolele.—Kolose 3:13, 14.
a Funda inqaku elithi “Ulutsha Luyabuza . . . Kuthekani Xa Abanye Bendilingela Ukuba Ndilale Naye?”
b Funda inqaku elithi “Ukonwaba Kosapho—Ukuzimisela.”
Mhlawumbi Ungayithanda Nale
UMTSHATO NENTSAPHO
Ngaba Simele Sihlalisane Ngaphambi Kokuba Sitshate?
Abanye abantu abathandanayo bacinga ukuba ukuhlalisana kuza kubanceda bawulungiselele kakuhle umtshato. Ngaba ingenzeka loo nto, okanye ikhona enye into ebhetele onokuyikhetha?
UVUKANI!
Ngaba Kukho Into Ephosakeleyo Ngokulalana Ngaphambi Komtshato?
Funda oko iBhayibhile ikutshoyo ngokulalana ngaphambi komtshato nezinye iindlela zokwabelana ngesondo.
IMIBUZO YEBHAYIBHILE IYAPHENDULWA
Ngaba IBhayibhile Iyakwalela Ukuba Neentlobano Zesini?
Ngaba kusisono ukonwabela iintlobano zesini?
IMIBUZO YEBHAYIBHILE IYAPHENDULWA
Ithini IBhayibhile Ngomtshato?
Amacebiso eBhayibhile anokunceda abantu abatshatileyo baphephe okanye bakwazi ukulungisa iingxaki.
IMIBUZO YEBHAYIBHILE IYAPHENDULWA
Ngaba IBhayibhile Ingandinceda Ndibe Nentsapho Eyonwabileyo?
Icebiso lobulumko elisuka eBhayibhileni, eliye lanceda amadoda namakhosikazi amaninzi onwaba ezintsatsheni.
INKCAZELO ENGAKUMBI NGATHI
Cela Ukufundelwa IBhayibhile
Fumana izifundo zeBhayibhile simahla ngexesha nakwindawo ekulungeleyo.