Mɛni Baiblo ɔ De?
Anɛ wa ngɛ “nyagbe ligbi ɔmɛ” a mi lo?
Kɛ O Ma Ha Heto Kɛɛ?
Ee
Dɛbi
Eko ɔ
Nɔ́ nɛ Baiblo ɔ de
“Nyagbe ligbi ɔmɛ a mi ɔ, je mi maa wa.” (2 Timoteo 3:1) Baiblo gbamihi kɛ níhi nɛ ngɛ nɔ yae ngɛ je ɔ mi mwɔnɛ ɔ tsɔɔ kaa wa ngɛ “nyagbe ligbi ɔmɛ” a mi.
Mɛni hu wa ma nyɛ maa kase ngɛ Baiblo ɔ mi?
Ta, hwɔ, zugba mimiɛ mi kɛ gbenɔ hiɔhi ji okadihi nɛ maa tsɔɔ kaa wa ngɛ nyagbe ligbi ɔmɛ a mi.
—Mateo 24:3, 7; Luka 21:11. Nyagbe ligbi ɔmɛ a mi ɔ, adesahi a jemi bami ma puɛ kulaa nɛ huɛ bɔmi kpakpa be a kɛ Mawu a kpɛti hie.
—2 Timoteo 3:2-5.
Mɛni maa ba adesahi a nɔ hwɔɔ se?
Ni komɛ heɔ yeɔ . . . kaa a ma kpata zugba a kɛ nihi tsuo nɛ a ngɛ nɔ ɔ a hɛ mi ngɛ nyagbe ligbi ɔ mi. Ni komɛ hu heɔ yeɔ kaa si himi kpakpa maa ba. Kɛ o susu kɛɛ?
Nɔ́ nɛ Baiblo ɔ de
“Nihi nɛ peeɔ nɔ́ nɛ da a, zugba a maa pee a nɔ́ nɛ a maa hi nɔ daa.”
Mɛni hu wa ma nyɛ maa kase ngɛ Baiblo ɔ mi?
Ke je nɛ ɔ ba nyagbe ɔ, ní yayahi tsuo a se maa po.
—1 Yohane 2:17. Zugba a ma plɛ pee paradeiso.—Yesaya 35:1, 6.
