Feiti 24 conchi antü enero cüyen 2023 mu, pu cientifico tucufingün ti Reloj del Juicio Final a epe rangipunlu reque. Tüfa pengelcünui ñi püllelepan ti antü ñi afal ta mapu.

•   “Ti ‘Reloj del Juicio Final’ adentulei pu che ñi quisuque apümuhual. Pu cientifico tüfachi martes doi fülmacünufingün rangipun püle. Tüfa femfingün petu ñi mülen ti hueichan Ucrania mu, ñi pellquelen mu ñi müleal quiñe nuclear hueichan ca ñi fente cambiaquetun ti clima” (ñi feipiel AFP International Text Wire).

•   “Tüfachi martes pu cientifico amulcünufingün ti ‘Reloj del Juicio Final’ 90 segundos epe rangipunlu. Pu che chumcaunorume fente püllelequelafuingün ti Armagedón mu” (ñi feipiel ABC News).

•   “Müfüque cientifico fillque tuhun nielu ngüfetuqueingün ñi epe afcülen ta che” (ñi feipiel The Guardian).

 ¿Rüf fülcülepai ñi afal ti mapu ca ti pu che? ¿Llicalepeaiñ mai ñi chem rupayal cüpalechi antü mu? Biblia cai, ¿chem pi?

 Biblia feipi “tati Mapu rumel mülecayai” ca tati pu che “rumel müleaingün fei mu” (Eclesiastés 1:4; Salmo 37:29). Feimu pu che apümcalayafingün tati mapu ca fente huesalcalayafingün ñi pepi mülehuenoam ta che.

 Huelu Biblia feipi 1 Juan 2:17 mu ‘pu che aftuai’.

•   Tami doi quimal ñi chem pilen Biblia tüfachi dungu mu, papeltunge ti troquiñ “¿Se acerca el fin del mundo? ¿Qué es el apocalipsis?”.

•   Tami doi quimal ñi chem pilen Biblia ñi chem rupayal cüpalechi antü mu, papeltunge ti troquiñ “¿Cuándo será el fin del mundo?”.

 Biblia quelluafeiñmu taiñ cüme duamcüleal chem dungu rume rupafule mapu mu. ¿Chumngechi quelluaiñmu?

•   Biblia eluqueiñmu cümeque ngülam (2 Timoteo 3:16, 17). Tami quimal chumngechi tati Biblia quelluafeimu tami cüme duamcüleal rupalmi rume cüdaungechi dungu tami mongen mu, papeltunge ti troquiñ “Qué puedo hacer para no preocuparme tanto”.

•   Biblia elunieiñmu maneluhun cüpalechi antü mu (Romanos 15:4). Quimeltuqueiñmu chumngelu ñi rupaquen fillque dungu ca chem ñi rupayal cüpalechi antü meu. Tüfa quelluqueiñmu taiñ maneluucüleal rupan mu rume huesaque dungu famülque mu.

 Tami doi quimal Biblia mu, poyenquechi mangeluhuiyiñ tami chillcatuafiel iñchiñ mu. Ngelai tami cullial.