Diosan Reinopajj taqpach gobiernonak lantiw uttʼayasini, oraqpachanwa apnaqarakini (Daniel 2:44; Apocalipsis 16:14). Ukatsti akanakaw pasani:

•   Jan wali jaqenakajj chhaqtjjaniwa. “Jan wali jaqenakajj oraqet chhaqtayatäpjjaniwa” (Proverbios 2:22).

•   Janiw guerranakajj utj-jjaniti. Diosaw ‘oraqpachanjja guerranak chhaqtayani’ (Salmo 46:9).

•   Jan kun ajjsaras jakasiñampi nayrar sartañampiw utjani. “Sapa mayniw uvas alipan chʼiwipar qontʼasipjjani ukhamarak higos qoqapan chʼiwipar qontʼasipjjani,jupanakarojj janiw khitis ajjsaraykaniti” (Miqueas 4:4).

•   Oraqejj mä suma paraisöjjaniwa. “Wasarasa waña oraqesa kusisiñamp phoqtʼatäpjjaniwa, pampa wasarasa kusisiniwa, azafrán panqarjamaw panqararakini” (Isaías 35:1).

•   Taqeniw suma trabajonïñäni, kusisitaw trabajirakiñäni. “Kuntï trabajisajj jikjjatapkani ukanakampejj wal kusisipjjani. Janiw inamayakejj wali chʼam tukus trabajipkaniti” (Isaías 65:21-23).

•   Janiw usunakajj utj-jjaniti. “Oraqen jakirinakatjja janiw khitis ‘usutätwa’ sisjjaniti” (Isaías 33:24).

•   Janiw awkiptañas taykaptañas utj-jjaniti. “Jañchipajj wayna tiempot sipans jukʼamp sumar tukpan, wayna tiemponkkäna uka urunakat sipans jukʼamp chʼamanïpan” (Job 33:25).

•   Jiwatanakajj jaktanjjapjjaniwa. “Taqe khitinakatï sepulturankapki ukanakajj [Jesusan] arup istʼapjjani, ukatjja mistunipjjaniwa” (Juan 5:28, 29).