Salmos 37:1-40
-
Jehová Diosar confiyirinakarojj taqe kunas sumaw sarani
-
“Jan wali jaqenak kawsajj jan colerasimti” (1)
-
“Jehová Diosar serviñanjja wal kusisim” (4)
-
“Jehová Diosan amparapar thakim katuyam” (5)
-
“Llampʼu chuymaninakajj oraqwa katoqapjjani” (11)
-
Cheqap sarnaqer jaqerojj janiw tʼantʼajj faltkaniti (25)
-
Cheqap sarnaqer jaqenakajj wiñayatakiw oraqen jakapjjani (29)
-
Davidan salmopa.
א [álef]
37 Jan wali jaqenak kawsajj jan colerasimti,jan walinak lurapki ukanakatjja jan envidiasimti.+
2 Jupanakajj jankʼakiw pastor uñtat jiwsjjapjjani,+machaq chʼojjña pastor uñtataw wañsjjapjjarakini.
ב [bet]
3 Jehová Diosar confiyam, kunatï walïki uk lurarakim.+
Oraqen jakasim, taqe kunsa cheqaparjam lurarakim.+
4 Jehová Diosar serviñanjja wal kusisim,jupasti kunanaktï chuymamajj munki ukanakwa churätam.
ג [guímel]
5 Jehová Diosan amparapar thakim katuyam,+jupar confiyam, jupasti juma favoraw saytʼani.+
6 Jupaw cheqap sarnaqatamjja qhantatir uñtat qhantayanini,juparakiw justiciamjja kunjamtï intejj chika urojj qhantki ukham qhantayani.
ד [dálet]
7 Jehová Dios nayraqatan amuktʼam,+pacienciamp jupar suytʼam.
Mä jaqe kawsajj jan colerasimti,uka jaqen jan wali amtanakapajj phoqaskchi ukas jan colerasimti.+
ה [he]
8 Colerasiñjja apanukjjam, sinti colerasiñjja jaytanukjjam.+
Jan colerasimti, coleratajj kunatï jan walïki ukwa luräta.*
9 Kuna laykutejj jan wali jaqenakajj chhaqtayatäpjjaniwa,+ukampis Jehová Diosar suytʼirinakajj oraqwa katoqapjjani.+
ו [waw]
10 Mä jukʼa tiempotjja jan wali jaqenakajj janiw utj-jjaniti,+kawkjantï jupanakajj jakapkäna uka lugarar uñtkäta ukhajja,janiw jupanakajj ukankjjapjjaniti.+
11 Ukampis llampʼu chuymaninakajj* oraqwa katoqapjjani,+jan tukuskir sumankañampiw jupanakajj wal kusisipjjarakini.+
ז [zayin]
12 Jan wali jaqejj cheqap sarnaqer jaqe contraw jan walinak amti.+
Jupa toqer uñtataw laka chʼakhanakapsa tʼurusi.
13 Ukampis Jehová Diosajj uka jaqet larusiniwa,kuna laykutejj uka jaqen jiwañ urup jutaskatapjja yatiwa.+
ח [jet]
14 Jan wali jaqenakajj espada imañanakapatwa espadanakap apsusipjje, flechtʼañ arconakapsa dobltʼapjjewa,ukhamat tʼaqesiyatarusa pobrerusa aynachtʼayañataki,ukhamarak kunatï cheqapäki ukanak luririnakar jiwayañataki.
15 Ukampis jupanakan espadanakapajj pachpa chuymanakaparuw pʼiyantani,+flechtʼañ arconakapas pʼakjatäniwa.
ט [tet]
16 Cheqap sarnaqer jaqen jukʼa utjiripaw jukʼamp sumajja,jan wali jaqenakan walja utjirinakapat sipansa.+
17 Kuna laykutejj jan wali jaqenakan amparapajj pʼakjatäniwa,ukampis cheqap sarnaqerinakarojj Jehová Diosaw katjjäsini.
י [yod]
18 Jehová Diosajja, kunanakatï jan juchaninakarojj paski uk uñjaskiwa,jupanakan herenciapajj wiñayatakïniwa.+
19 Jan walinakajj paskani uka tiemponjja janiw jupanakajj mä phenqʼa uñjasipkaniti,manqʼat pistʼañ tiemponjja walja manqʼañaw jupanakan utjani.
כ [kaf]
20 Ukampis jan wali jaqenakajj tukusipjjaniwa,+Jehová Diosan enemigonakapajj suma pastonakar uñtataw chhaqtjjapjjani,jewqʼer uñtataw chhaqtjjapjjarakini.
ל [lámed]
21 Jan wali jaqejja maytʼasisajj janiw kuttʼayjjeti,ukampis cheqap sarnaqer jaqejj khuyaptʼayasiriwa, wajjtʼasirirakiwa.+
22 Diosan bendisitanakajj oraqwa katoqapjjani,ukampis Diosan maldisitanakajj tukjatäpjjaniwa.+
מ [mem]
23 Kunapachatï Jehová Diosajj jaqen thakipat kusiski ukhajja,+jaqen chellqtatanakapwa irpi.+
24 Lanktʼaskchinisa janiw ajanup oraqer puriyañkam jaqoskaniti,+kuna laykutejj Jehová Diosaw amparapat* katjjasiski.+
נ [nun]
25 Nayasti waynäskayätwa, jichhasti awkëjjtwa,ukampis cheqap sarnaqer jaqerojj janiw ni maynirusa apanukut uñjkti,+janirakiw wawanakaparus tʼantʼa* thaqaskir uñjkti.+
26 Jupajj taqe chuymaw maytʼi,+wawanakapasti Diosan bendisitäpjjaniwa.
ס [sámekh]
27 Kunatï jan walïki ukatjja jitheqtam, kunatï walïki uk luram,+ukatsti wiñayatakiw jakasïta.
28 Jehová Diosasti kunatï cheqapäki ukar munasiriwa,jupat jan jitheqtirinakarus janiw jaytanukkaniti.+
ע [ayin]
Jupanakarusti jupajj imapuniniwa,+ukampis jan wali jaqenakat jutir wawanakajja tukjatäpjjaniwa.+
29 Cheqap sarnaqer jaqenakaw oraq katoqapjjani,+wiñayatakiw ukan jakapjjarakini.+
פ [pe]
30 Cheqap sarnaqer jaqejj yatiñanïñ toqetwa parli,lajjrapasti cheqap sarnaqañatwa parlaraki.+
31 Diosapan leyipajj chuymapankiwa,+sarnaqkani ukhasti kayunakapajj janiw llustʼtkaniti.+
צ [sadé]
32 Jan wali jaqejj cheqap sarnaqer jaqeruw uñchʼukiski,jiwayañatakiw thaqaskaraki.
33 Ukampis Jehová Diosajj janiw cheqap sarnaqer jaqerojj jan wali jaqen amparapar jaytanukkaniti,+juzgatäkani ukhasa janiw juchañchatäkaniti.+
ק [qof]
34 Jehová Diosar suytʼam, thakip arkarakim,jupaw jumarojj jachʼar aptätam, jumasti oraqwa katoqarakïta.
Kunapachatï jan wali jaqejj tukjatäkani ukhajja,+ jumajj uñjätawa.+
ר [resh]
35 Jan sinttʼasiri jan walinak lurir jaqeruw nayajj uñjayäta,jupajj walja ramanakan qoqar* uñtataw pachpa oraqepan wal jilantaskäna.+
36 Ukampis mä akatjamatwa jupajj jiwjjäna, chhaqtawayjjarakïnwa.+
Nayajj jupar thaqaskakiyätwa, ukampis janiw jikjjatañ puedkayätti.+
ש [shin]
37 Jan juchani jaqetjja* jan armasimti,cheqap sarnaqer jaqerojj+ uñtapunim,kuna laykutejja suman jakasiñaw uka jaqetakejj jutïrin utjani.+
38 Ukampis jan walinak luriri taqe jaqenakajj tukjatäpjjaniwa,jan wali jaqenakajja jutïrin tukjatäpjjarakiniwa.+
ת [taw]
39 Cheqap sarnaqer jaqenakan salvacionapajj Jehová Diosatwa juti,+jan wali tiemponjja, jupaw cheqap sarnaqer jaqenakan imantasiñapajja.*+
40 Jehová Diosaw jupanakarojj yanaptʼani, salvarakini.+
Jupaw jan wali jaqenakat jupanakar salvani, jupaw jupanakarojj salvarakini,kuna laykutejj juparuw imantasipjje.+
Notanaka
^ Ukajja, “Jan colerasimti, juma pachpaw jan waltʼayasïta” sasaw jaqokipasirakispa.
^ “Llampʼu chuymanïña” siski uk glosarion liytʼäta.
^ Jan ukajja, “amparapampi”.
^ Jan ukajja, “manqʼa”.
^ Jan ukajja, “arbolar”.
^ Jan ukajja, “Taqpach chuymamp servir jaqetjja”.
^ Ukajja, jachʼa perqanakamp muyuntat mä markata jan ukajj mä palaciotwa parlaski.
