Jeremaya 17:1-27
17 “E ji mkpịsị akwụkwọ ígwè dee mmehie Juda.
E ji mkpịsị akwụkwọ dayamọnd kanye ya ná mbadamba nkume, ya bụ, n’obi ha.
E jikwa ya kanye ya na mpi ndị dị n’ebe ndị ha na-achụ àjà.
2 Ụmụ ha na-echetakwa ebe ndị a ha na-achụ àjà na ogwe osisi arụsị*+ haNdị dị n’akụkụ nnukwu osisi na-ama pokopoko, n’elu ugwu ndị dị elu+
3 Nakwa n’ugwu ndị dị n’ọhịa.
M ga-eji maka mmehie unu na-eme n’ala unu niile mee ka e bukọrọ akụ̀ unu niile na ihe ndị ọzọ unu nwe+Nakwa ihe unu ndị dị n’ebe ndị dị elu.+
4 Unu ji aka unu hapụ ihe m kenyere unu.+
M ga-emekwa ka unu jewere ndị iro unu ozi n’ala unu na-amaghị,+N’ihi na unu emeela ka iwe m dị ọkụ.*+
Ọ ga na-erekwa mgbe niile.”
5 Jehova kwuru, sị:
“Onye tụkwasịrị mmadụ nkịtị obi,+Onye ji ike mmadụ nwee nchekwube,+Onye obi ya na-adịghịzi n’ebe Jehova nọ, a ga-abụ ya ọnụ.
6 Ọ ga-adị ka osisi naanị ya dị n’ọzara.
Ihe ọma agaghị eru ya aka.
Kama, ọ ga-ebi n’ebe kpọrọ nkụ n’ala ịkpa,N’ala bụ́ nnu nnu nke ọ na-enweghị onye ga-ebili na ya.
7 A ga-agọzi onye tụkwasịrị Jehova obi,Onye ji maka Jehova nwee obi ike.+
8 Ọ ga-adị ka osisi a kụrụ n’akụkụ mmiri,Nke gbanyere mgbọrọgwụ na mmiri.
Ọ gaghị ama mgbe ụbọchị na-ekpo ọkụ,Kama akwụkwọ ya ga na-ama pokopoko.+
Ọ gaghị na-echegbu onwe ya n’afọ mmiri na-ezoghị.
Ọ gaghịkwa akwụsị ịmị mkpụrụ.
9 Obi dị aghụghọ karịa ihe ọ bụla ọzọ. O sikwara ike njite.*+
Ònye ga-amatali ya?
10 Mụnwa, bụ́ Jehova, na-enyocha obi,+Na-enyochakwa ihe mmadụ na-eche n’ime ime obi ya,*Iji kwụọ onye ọ bụla ụgwọ otú o si kpaa àgwà,Kwụọkwa ya ụgwọ ihe ọ rụpụtara.+
11 Onye ji aghụghọ na-akpa akụ̀+Dị ka ọkwà nke kpokọtara àkwá ọ na-eyighị.
Onye ahụ ga-anwụchu ọnwụ, hapụ akụ̀ ya.
N’ikpeazụ, ọ ga-abụ onye na-amaghị ihe.”
12 Ụlọ nsọ anyị bụ ocheeze dị ebube+Nke dị elu site ná mmalite.
13 Jehova, onye ndị Izrel ji nwee olileanya,Ihere ga-eme ndị niile hapụrụ gị.
N’ájá ka a ga-ede aha ndị kwụsịrị ife gị* ofufe,+N’ihi na ha ahapụla Jehova, bụ́ isi iyi nke mmiri na-enye ndụ.+
14 Jehova, biko, gwọọ m ka m gbakee.
Zọpụtakwa m ka ihe ọ bụla ghara ime m,+N’ihi na ọ bụ gị ka m na-eto.
15 E nwere ndị na-asị m:
“Gịnị mere na okwu Jehova emezubeghị?+
Biko, ya mezuo.”
16 Ma, akwụsịghị m ịbụ onye ọzụzụ atụrụ. Akwụsịghịkwa m ịna-eso gị.
Anọghịkwa m na-atụ anya ka e nwee ụbọchị ọdachi ga-abịa.
Ị ma ihe egbugbere ọnụ m kwuru.
Ọ bụ n’ihu gị ka m kwuru ya.
17 Emenyekwala m ụjọ.
Ị bụ ebe m ga-agbaba n’ụbọchị ọdachi.
18 Ka ihere mee ndị na-akpagbu m,+Ma ekwela ka ihere mee m.
Ka ụjọ jide ha,Ma ekwela ka ụjọ jide m.
Mee ka e nwee ụbọchị ọdachi ga-adakwasị ha.+
Bibie ha, bibie ha kpamkpam.*
19 Jehova gwara m, sị: “Gaa guzoro n’ọnụ ụzọ ámá ụmụ ndị m, ebe ndị eze Juda na-esi abata ma na-apụ. Guzorokwa n’ọnụ ụzọ ámá niile dị na Jeruselem.+
20 Sịkwa ha, ‘Ndị eze Juda, ndị Juda niile, na ndị niile bi na Jeruselem, ndị na-esi n’ọnụ ụzọ ámá ndị a abata, nụrụnụ ihe Jehova kwuru.
21 Jehova kwuru, sị: “Lezienụ onwe unu* anya, unu ebula ihe ọ bụla n’Ụbọchị Izu Ike. Unu esikwala n’ọnụ ụzọ ámá Jeruselem bubata ihe.+
22 Unu esikwala n’ụlọ unu bupụta ibu ọ bụla n’Ụbọchị Izu Ike. Unu arụkwala ọrụ ọ bụla n’ụbọchị ahụ.+ Doonụ Ụbọchị Izu Ike nsọ otú m gwara nna nna unu hà ka ha na-eme.+
23 Ma ha egeghị ntị. Ha atọghịkwa ntị n’ala. Ha kpọrọ ekwo nkụ* jụ irube isi, jụkwa ịnabata aka ná ntị a na-adọ ha.”’+
24 “‘Jehova kwuru, sị, “Ma, ọ bụrụ na unu erubere m isi n’ihe niile, ghara isi n’ọnụ ụzọ ámá obodo a bubata ibu n’Ụbọchị Izu Ike, gharakwa ịrụ ọrụ ọ bụla n’Ụbọchị Izu Ike, si otú ahụ na-edo ya nsọ,+
25 ọ ga-eme ka ndị eze na ndị isi, bụ́ ndị nọ n’ocheeze Devid,+ si n’ọnụ ụzọ ámá obodo a na-abata. Ha na ndị ha ji mere ndị isi nakwa ndị Juda na ndị bi na Jeruselem ga-agbara ụgbọ ịnyịnya ha na ịnyịnya ha bịa.+ Ndị mmadụ ga na-ebikwa n’obodo a mgbe niile.
26 Ndị mmadụ ga-esi n’obodo ndị dị na Juda, sikwa na gburugburu Jeruselem nakwa n’ala Benjamin+ nakwa n’ala dị larịị+ nakwa n’ebe bụ́ ugwu ugwu nakwa na Negeb* na-eweta àjà a na-esucha ọkụ,+ àjà ọka,+ frankinsens, àjà ekele, na àjà ndị ọzọ+ n’ụlọ Jehova.+
27 “‘“Ma ọ bụrụ na unu enupụrụ m isi ghara ido Ụbọchị Izu Ike nsọ, na-ebu ibu, buru ya na-abata n’ọnụ ụzọ ámá Jeruselem n’Ụbọchị Izu Ike, m ga-esunye ọnụ ụzọ ámá ya niile ọkụ. Ọ ga-erepịakwa ụlọ elu ndị a rụsiri ike dị na Jeruselem.+ A gaghịkwa emenyụ ya emenyụ.”’”+
Ihe E Dere n'Ala Ala Peeji
^ Gụọ Nkọwa Okwu.
^ O nwere ike ịbụ, “N’ihi na iwe m amụnyela unu ọkụ.”
^ O nwere ike ịbụ, “Ọ naghịkwa ekwe ngwọta.”
^ Na Hibru, “Na-enyochakwa akụrụ.”
^ Na Hibru, “ife m,” ọ ga-abụrịrị Jehova ka ha kwụsịrị ife.
^ Ma ọ bụ “bibie ha okpukpu abụọ.”
^ Ma ọ bụ “mkpụrụ obi unu.”
^ Na Hibru, “Ha kwesiri olu ike.”
^ Ma ọ bụ “n’ebe ndịda.”
