Mazmur 40:1-17
Kanggo pemimpin musik. Lagu sing digawé Daud.
40 Aku berharap tenan marang* Yéhuwah.
Dhèwèké nggatèkké lan ngrungokké wektu aku njaluk tulung.+
2 Dhèwèké ngetokké aku saka lubang banyu sing alirané deres,Saka rawa sing kebak lumpur.
Dhèwèké nggawé aku ngadeg ing tebing.
Dhèwèké nggawé aku mlaku ing lemah sing garing.
3 Terus Dhèwèké ngajari aku lagu anyar,+Lagu pujian kanggo Gusti Allahé awaké dhéwé.
Akèh sing bakal ndelok apa sing ditindakké Gusti AllahLan dadi percaya marang Yéhuwah.
4 Wong sing bahagia kuwi wong sing percaya karo Yéhuwah,Ora mèlu-mèlu wong sing mbrontak, lan ora mèlu-mèlu wong sing seneng ngapusi.*
5 Oh Yéhuwah Gusti Allahku,Njenengan terus mikirké aku,Lan Njenengan wis nindakké akèh kegiatan sing luar biasa kanggo aku.+
Ora ana sing isa nandhingi Njenengan.+
Aku péngin nyritakké lan ngomongké kabèh sing mbok tindakké,Ning kabèh kuwi terlalu akèh kanggo dicritakké.+
6 Njenengan ora péngin*+ korban lan persembahan,Ning Njenengan mbantu aku bèn isa ngrungokké lan paham karo préntah-Mu.+
Njenengan ora njaluk persembahan bakaran lan persembahan dosa.+
7 Terus aku ngomong, ”Aku wis teka.
Ing gulungan,* ana tulisan soal aku.+
8 Oh Gusti Allahku, aku seneng* nindakké kepénginan-Mu,+Lan hukum-Mu ana ing atiku.+
9 Aku nyritakké kabar apik soal keadilan-Mu ing jemaat sing akèh banget wongé.+
Oh Yéhuwah, Njenengan ngertiNèk aku ora meneng waé.+
10 Keadilan-Mu ora mung tak simpen ing atiku.
Aku nyritakké nèk Njenengan kuwi setya lan nylametké umat-Mu.
Ing jemaat sing akèh banget wongé, aku terus nyritakké nèk Njenengan kuwi bener,+Lan nyritakké katresnané Njenengan.”*
11 Oh Yéhuwah, tulung Njenengan terus mesakké aku.
Muga-muga Njenengan nglindhungi aku+ merga Njenengan kuwi setya lan nduwé katresnan.*
12 Kesusahan sing tak alami akèh banget.+
Kesalahanku akèh banget nganti ora isa tak étung.+
Jumlahé luwih akèh timbang rambut ing sirahku.
Kuwi sebabé aku dadi putus asa.
13 Oh Yéhuwah, tulung slametna aku.+
Oh Yéhuwah, cepet tulungana aku.+
14 Muga-muga kabèh wong sing péngin matèni akuDigawé isin lan dirèmèhké.
Muga-muga wong sing seneng nèk aku susahPadha mlayu lan direndhahké.
15 Muga-muga wong sing ngécé akuPadha kagèt lan isin.
16 Ning, muga-muga wong sing nggolèk tuntunan-Mu+Padha seneng merga Njenengan.+
Muga-muga wong sing berharap mbok slametké terus-terusan kandha,”Muga-muga Yéhuwah diluhurké.”+
17 Muga-muga Yéhuwah nggatèkké akuMerga aku mlarat lan susah.
Njenengan kuwi sing nulungi lan sing nylametké aku.+
Oh Gusti Allahku, cepet tulungi aku.+
Katrangan Tambahan
^ Utawa ”sabar ngentèni”.
^ Utawa ”sing percaya karo keterangan sing ora bener”.
^ Utawa ”ora seneng”.
^ Lit.: ”gulungan kitab”.
^ Utawa ”péngin banget”.
^ Utawa ”katresnané Njenengan sing langgeng”. Deloken Daftar Istilah.
^ Utawa ”katresnan sing langgeng”. Deloken Daftar Istilah.