ការចាត់ចែងលុយកាក់
មនុស្សជាច្រើនមានបញ្ហាខាងលុយកាក់តិចជាង ពេលពួកគេធ្វើតាមគោលការណ៍គម្ពីរ។
រៀបចំគម្រោងល្អ
គោលការណ៍គម្ពីរ: «គំនិតរបស់មនុស្សឧស្សាហ៍ នោះនាំឲ្យបានបរិបូរឡើងតែម្យ៉ាង តែអស់អ្នកណាដែលមានចិត្តរលះរលាំងនោះនឹងបានតែសេចក្ដីខ្វះខាតវិញ»។—សុភាសិត ២១:៥
អត្ថន័យ: អ្នកត្រូវគិតទុកជាមុន ឬរៀបចំគម្រោង ហើយខំធ្វើតាមគម្រោងនោះ។ ហេតុនេះ សូមគិតដោយយកចិត្តទុកដាក់ មុននឹងអ្នកប្រើលុយ។ សូមចាំថា អ្នកមិនត្រូវទិញអ្វីតាមតែចិត្តចង់នោះទេ។ ដូច្នេះ សូមចំណាយលុយរបស់អ្នកដោយប្រុងប្រយ័ត្ន។
អ្វីដែលអ្នកអាចធ្វើ:
-
ធ្វើតាមគម្រោងចំណាយ។ ស្តីអំពីអ្វីដែលអ្នកត្រូវចំណាយ សូមសរសេរវាទាំងអស់ ហើយចែកវាតាមផ្នែកផ្សេងៗ។ បន្ទាប់មក ត្រៀមលុយទុកសម្រាប់ការចំណាយលើផ្នែកនីមួយៗនោះ។ បើអ្នកចំណាយច្រើនទៅលើរបស់ណាមួយក្នុងផ្នែកនោះ សូមយកប្រាក់ពីផ្នែកផ្សេងមកបង្គ្រប់វិញ។ ជាឧទាហរណ៍ បើអ្នកចំណាយទៅលើថ្លៃសាំងរថយន្តច្រើនជាងអ្វីដែលអ្នកគិត សូមដកយកការចំណាយណាដែលអ្នកគិតថាមិនសូវសំខាន់មកបង្គ្រប់។ ឧទាហរណ៍ ដូចជាយកពីថ្លៃចំណាយក្នុងការញ៉ាំអ្វីនៅខាងក្រៅ មកបង្គ្រប់ពីលើថ្លៃសាំងជាដើម។
-
កុំជំពាក់បំណុលដែលមិនចាំបាច់។ ដើម្បីកុំឲ្យជំពាក់បំណុល កុំខ្ចីលុយគេ។ ជាជាងខ្ចីលុយ សូមសន្សំលុយដើម្បីទិញអ្វីដែលអ្នកគិតថាពិតជាត្រូវការជាចាំបាច់។ បើអ្នកប្រើកាតឥណទាន សូមព្យាយាមបង់បង្គ្រប់ចំពោះការចំណាយទាំងអស់រាល់ខែ ដើម្បីមិនចាំបាច់បង់ការប្រាក់។ បើអ្នកជំពាក់បំណុល សូមរៀបចំគម្រោងបង់រំលោះ ហើយខំធ្វើតាម។
យោងតាមការស្រាវជ្រាវមួយបានសន្និដ្ឋានថា ពេលដែលមនុស្សចំណាយដោយប្រើកាតឥណទាន ពួកគេចំណាយច្រើនជាងធម្មតា។ ដូច្នេះ បើអ្នកមានកាតឥណទាន សូមប្រើវាដោយឈ្លាសវៃ។
ព្យាយាមកុំមានចិត្តគំនិតដែលនាំឲ្យជួបការពិបាក
គោលការណ៍គម្ពីរ: «មនុស្សខ្ជិលច្រអូសមិនព្រមភ្ជួររាស់ ដោយព្រោះនៅរងានៅឡើយ ដូច្នេះ គេនឹងត្រូវសុំទានក្នុងរដូវចំរូតហើយខ្វះខាតវិញ»។—សុភាសិត ២០:៤
អត្ថន័យ: ការខ្ជិលច្រអូសអាចនាំមកនូវភាពក្រីក្រ។ ដូច្នេះ សូមធ្វើជាអ្នកដែលឧស្សាហ៍ធ្វើការ ហើយសូមប្រើលុយដោយឈ្លាសវៃ ដើម្បីអ្នកអាចមានអ្វីដែលអ្នកត្រូវការសម្រាប់ថ្ងៃអនាគត។
អ្វីដែលអ្នកអាចធ្វើ:
-
ឧស្សាហ៍ធ្វើការ។ ការពារប្រភពចំណូលរបស់អ្នក ដោយធ្វើជាមនុស្សឧស្សាហ៍ និងគួរឲ្យទុកចិត្តចំពោះការងារដែលអ្នកធ្វើ។ ចៅហ្វាយពេញចិត្តអ្នកដែលឧស្សាហ៍ព្យាយាម។
-
ទៀងត្រង់។ កុំលួចពីចៅហ្វាយ។ ការប្រព្រឹត្តមិនទៀងត្រង់បង្ខូចកេរ្ដិ៍ឈ្មោះរបស់អ្នក ហើយនាំឲ្យអ្នកពិបាកក្នុងការរកការងារធ្វើនៅពេលក្រោយ។
-
កុំលោភលន់។ ការចង់បានលុយច្រើនឡើងៗ ទីបំផុតនឹងនាំឲ្យខូចសុខភាព និងបង្ខូចទំនាក់ទំនងល្អរបស់អ្នកជាមួយអ្នកឯទៀត។ សូមចាំថា លុយមិនមែនជាអ្វីដែលសំខាន់បំផុតក្នុងជីវិតនោះទេ។
គោលការណ៍គម្ពីរឯទៀត
សូមអានគម្ពីរ,ដែលមានរាប់រយភាសានៅគេហទំព័រjw.org
កុំបង្ខាតពេលនិងលុយកាក់ទៅលើទម្លាប់អាក្រក់
«ដ្បិតមនុស្សប្រមឹក នឹងមនុស្សល្មោភនឹងទៅជាក្រ ហើយសេចក្ដីងុយងោកនឹងនាំឲ្យស្លៀកពាក់កណ្ដាច»។—សុភាសិត ២៣:២១
កុំបារម្ភខ្លាំងពេកអំពីលុយកាក់
«ឈប់ខ្វល់ខ្វាយអំពីជីវិតខ្លួនថា នឹងបានអ្វីបរិភោគឬផឹក ហើយឈប់ខ្វល់ខ្វាយអំពីរូបកាយថា នឹងបានអ្វីស្លៀកពាក់ដែរ»។—ម៉ាថាយ ៦:២៥
កុំច្រណែន
«អ្នកណាដែលមានភ្នែកអាក្រក់[ឬ«ច្រណែន»] នោះកំពុងតែរួសរាន់ដេញតាមទ្រព្យសម្បត្ដិ ឥតដឹងឡើយថា សេចក្ដីខ្វះខាតនឹងតាមខ្លួនទាន់»។—សុភាសិត ២៨:២២; ព.ថ
លោកអ្នកក៏ប្រហែលជាចូលចិត្តដែរ
តើគួរធ្វើយ៉ាងណាពេលជំពាក់បំណុល?
ពេលពិបាកដោះបំណុល តើក្រុមគ្រួសារអាចធ្វើអ្វីខ្លះ?
ទស្សនាវដ្ដី
ការរស់នៅស្របតាមលទ្ធភាពរបស់ខ្លួន តើអាចធ្វើបានយ៉ាងដូចម្ដេច?
សូមអញ្ជើញរៀនអំពីរបៀបដែលគោលការណ៍គម្ពីរអាចជួយលោកអ្នកធ្វើគម្រោងថវិកាហើយការពារកុំឲ្យជាប់បំណុលគេដោយមិនចាំបាច់។
ភ្ញាក់
ការមានទស្សនៈត្រឹមត្រូវចំពោះលុយ
សំណួរ៧យ៉ាងដែលអាចជួយអ្នកឲ្យគិតពិចារណាអំពីខ្លួនថាអ្នកមានទស្សនៈយ៉ាងណាចំពោះលុយ។
ប្រធានបទឯទៀត
របៀបកាត់បន្ថយចំណាយ
ពេលមានបញ្ហាសេដ្ឋកិច្ច នេះនាំឲ្យយើងតានតឹងចិត្តណាស់។ ប៉ុន្តែ ក្នុងគម្ពីរមានយោបល់ដ៏មានប្រាជ្ញាដែលអាចជួយយើងឲ្យរស់នៅបាន ទោះជាយើងមានប្រាក់ចំណូលតែបន្តិចបន្តួចក្ដី។
សំណួរនិងចម្លើយពីគម្ពីរ
បញ្ហាលុយកាក់និងបំណុល តើគម្ពីរអាចជួយបានទេ?
លុយមិនអាចទិញសុភមង្គលបានទេ តែក្នុងគម្ពីរមានគោលការណ៍បួនដែលអាចជួយលោកអ្នកពេលមានបញ្ហាខាងលុយកាក់។
