ចម្រៀងលេខ១០
ចូរសរសើរព្រះយេហូវ៉ាជាព្រះរបស់យើង!
-
១. ចូរសរសើរ! ព្រះយេហូវ៉ានិង
ផ្សាយប្រកាសនាមលោកពេញលោកា!
ស្រែកព្រមាន! ថ្ងៃនៃលោកជិតដល់
ជួយមនុស្សគ្រប់ប្រាណឲ្យប្រែចិន្ដា
ព្រះយេហូវ៉ាកំណត់គ្រាឥឡូវថា
ជាវេលាឲ្យបុត្រលោកគ្រប់គ្រង
ប្រាប់គ្រប់មនុស្សាពីដំណឹងអស្ចារ្យ
ថាព្រះនឹងផ្ដល់ពរច្រើនកន្លង!
(បន្ទរ)
ចូរសរសើរ! ព្រះយេហូវ៉ានិង
ពេញលោកាផ្សព្វផ្សាយថាលោកឧត្តម!
-
២. សរសើរព្រះ! ដោយសំឡេងឮលះ!
ច្រៀងសរសើរនាមលោកដោយអំណរ!
ពីចិន្ដាយើងចង់អរគុណព្រះ
ដោយប្រកាសថាលោកប្រសើរបវរ
ទោះជាព្រះយើងរុងរឿងខ្ពង់ខ្ពស់ខ្លាំងក្លា
លោកមានចិត្តរាបទាបនិងសទ្ធា
បិតាយើងជ្រាបពីអ្វីដែលយើងត្រូវការ
បើហៅរកលោកស្ដាប់គ្រប់វេលា។
(បន្ទរ)
ចូរសរសើរ! ព្រះយេហូវ៉ានិង
ពេញលោកាផ្សព្វផ្សាយថាលោកឧត្តម!
(សូមពិនិត្យបន្ថែម ចសព. ៨៩:២៧; ១០៥:១; យេ. ៣៣:១១)
