भजनसङ्ग्रह ३७:१-४०
दाउदको रचना।
א [आलेफ]
३७ दुष्टहरूको कारण निराश* नहोऊअनि गलत काम गर्नेहरूको ईर्ष्या नगर।+
२ तिनीहरू झारजस्तै सुकिहाल्नेछन्+अनि हरियो घाँसजस्तै ओइलाउनेछन्।
ב [बेथ]
३ यहोवामा भरोसा गर र जे असल छ, त्यही गर;+पृथ्वीमा* बास गर अनि वफादार भई चल।+
४ यहोवा तिमीसित हुनुहुन्छ, त्यसैले तिमी औधी हर्षित होऊअनि उहाँले तिम्रो मनको इच्छा पूरा गरिदिनुहुनेछ।
ג [गिमेल]
५ आफ्नो मार्ग यहोवालाई सुम्पिदेऊ;+उहाँमै भर पर अनि उहाँले तिम्रो निम्ति कदम चाल्नुहुनेछ।+
६ उहाँले तिम्रो धार्मिकतालाई बिहानीको उज्यालोजस्तैअनि तिम्रो न्यायलाई मध्यदिनको सूर्यजस्तै चम्काउनुहुनेछ।
ד [दालेथ]
७ यहोवासामु चुपचाप बस+अनि व्यग्रतासाथ* उहाँको बाटो हेर।आफ्नो चालमा सफल भएको मानिसलाई देखेरतिमी निराश नहोऊ।+
ה [हे]
८ रिसाउन छोड र क्रोध त्यागिदेऊ;+व्याकुल भएर कुकर्मतिर नलाग।*
९ किनकि कुकर्मीहरू नामेट हुनेछन्+तर यहोवाको बाटो हेर्ने जतिले पृथ्वी अधिकार गर्नेछन्।+
ו [वाव]
१० अब केही बेरपछि नै दुष्टहरूको नामोनिसान मेटिनेछ;+तिमीले तिनीहरू भएको ठाउँमा हेर्नेछौतर तिनीहरू त्यहाँ हुनेछैनन्।+
११ बरु नम्रहरूले पृथ्वी अधिकार गर्नेछन्+अनि अपार शान्तिको आनन्द उठाउनेछन्।+
ז [जयिन]
१२ दुष्टले धर्मीको विरुद्धमा षड्यन्त्र रच्छ;+उसलाई देखेर त्यसले दाह्रा किट्छ।
१३ तर यहोवा त्यसलाई देखेर हाँस्नुहुन्छकिनकि त्यसको विनाशको दिन आउनेछ भनेर उहाँलाई थाह छ।+
ח [हेत]
१४ थिचोमिचोमा परेकाहरू र गरिबहरूलाई ढाल्नअनि सोझो बाटोमा हिँड्नेहरूको हत्या गर्नदुष्टहरू आफ्नो तरबार थुत्छन् र धनुमा ताँदो चढाउँछन्।
१५ तर तिनीहरूको तरबारले तिनीहरूकै मुटुलाई छेड्नेछ+अनि तिनीहरूको धनु भाँचिनेछ।
ט [टेथ]
१६ दुष्टहरूको प्रशस्त धनसम्पत्तिभन्दाधर्मीसित भएको थोरै कुरा उत्तम हो।+
१७ किनकि दुष्टहरूको पाखुरा भाँचिनेछतर धर्मीलाई यहोवाले थाम्नुहुनेछ।
י [योद]
१८ निर्दोष मानिसहरूले भोगेको दुःख* यहोवाले देख्नुहुन्छअनि तिनीहरूको उत्तराधिकार सधैँभरि रहिरहनेछ।+
१९ विपत्तिको बेला तिनीहरू लाजमा पर्नेछैनन्;अनिकाल लाग्दा पनि तिनीहरूसित प्रशस्त खानेकुरा हुनेछ।
כ [काफ]
२० तर दुष्टहरू भने मेटिएर जानेछन्;+यहोवाका शत्रुहरू खर्कको हरियो घाँसजस्तै सुकिहाल्नेछन्अनि धुवाँजस्तै बिलाएर जानेछन्।
ל [लामेद]
२१ दुष्टले सापटी लिन्छ तर फिर्ता गर्दैन,धर्मी मानिस भने उदार मनको* र दानी हुन्छ।+
२२ परमेश्वरबाट आशिष् पाएकाहरूले पृथ्वी अधिकार गर्नेछन्तर उहाँबाट सराप पाएकाहरू नाश हुनेछन्।+
מ [मेम]
२३ जब मानिसको मार्ग देखेर यहोवा प्रसन्न हुनुहुन्छ,+तब उहाँले उसको पाइलालाई डोऱ्याउनुहुन्छ।*+
२४ उसले ठेस खाए पनि ऊ पछारिनेछैन+किनकि यहोवाले उसको हात समातेर उसलाई थाम्नुहुन्छ।*+
נ [नुन]
२५ म जवान थिएँ, अहिले बूढो भएको छुतर धर्मी मानिसको बिचल्ली भएको+ र उसका छोराछोरीले खानेकुराको लागि भीख मागेको+मैले कहिल्यै देखेको छैनँ।
२६ उसले सधैँ उदार मनले सापटी दिन्छ+अनि उसका सन्तानले निश्चय नै आशिष् पाउनेछन्।
ס [सामेख]
२७ खराब काम त्याग र जे असल छ, त्यो गर+र तिमी सदासर्वदा जिउनेछौ।
२८ किनकि यहोवा न्याय मन पराउनुहुन्छ;आफ्ना वफादार सेवकहरूलाई उहाँ कहिल्यै त्याग्नुहुन्न।+
ע [अयिन]
उहाँले तिनीहरूको सधैँ रक्षा गर्नुहुन्छ+तर दुष्टका सन्तान भने मेटिएर जानेछन्।+
२९ धर्मीहरूले पृथ्वी अधिकार गर्नेछन्+र तिनीहरू त्यहाँ सधैँभरि रहनेछन्।+
פ [पे]
३० धर्मीको मुखले बुद्धि प्रकट गर्छ*अनि उसको जिब्रोले न्यायको कुरा बोल्छ।+
३१ उसको मनमा उसका परमेश्वरको व्यवस्था बसेको हुन्छ;+उसका पाइलाहरू डगमगाउनेछैनन्।+
צ [सादे]
३२ धर्मी मानिसको हत्या गर्नदुष्टले ऊमाथि नजर राख्छ।
३३ तर यहोवाले धर्मीलाई त्यसको हातमा पर्न दिनुहुनेछैन+वा उसको न्याय गरिँदा उसलाई दोषी ठहराउनुहुनेछैन।+
ק [कोफ]
३४ यहोवामा आशा राख र उहाँको मार्गमा हिँड।तब उहाँले तिमीलाई उच्च पार्नुहुनेछ र तिमीले पृथ्वी अधिकार गर्नेछौ।दुष्टहरू नाश हुँदा+ तिमीले त्यो देख्नेछौ।+
ר [रेश]
३५ मैले क्रूर र दुष्ट मानिसलाई देखेको छु,त्यो आफ्नै जमिनमा झ्याम्म परेको रूखजस्तै फैलिएको थियो।+
३६ तर अचानक त्यसको मृत्यु भयो र त्यो रहेन;+मैले त्यसलाई निकै खोजेँ तर त्यो कतै फेला परेन।+
ש [शिन]
३७ निर्दोष* मानिसलाई ध्यान दिएर हेरअनि सोझो मानिसतिर+ आफ्नो दृष्टि लगाऊकिनकि भविष्यमा ऊ शान्तिसित जिउनेछ।+
३८ तर कुकर्मीहरूजति सबै नाश हुनेछन्;दुष्ट मानिसको कुनै भविष्य छैन।+
ת [ताव]
३९ धर्मीहरूको उद्धार यहोवाबाटै आउँछ;+दुःखको समयमा उहाँ तिनीहरूको गढ हुनुहुनेछ।+
४० यहोवाले तिनीहरूलाई सहायता गर्नुहुनेछ र तिनीहरूको उद्धार गर्नुहुनेछ+दुष्टको हातबाट उहाँले तिनीहरूलाई छुटाउनुहुनेछ र बचाउनुहुनेछकिनकि तिनीहरू उहाँमा शरण लिन्छन्।+
फुटनोटहरू
^ वा “रिसले चुर।”
^ वा “देशमा।”
^ वा “धीरजी भई।”
^ वा सम्भवतः “व्याकुल नहोऊ किनकि त्यसले हानि गर्छ।”
^ शा., “निर्दोष मानिसका दिनहरू।”
^ वा “कृपालु।”
^ वा “सुदृढ पार्नुहुन्छ।”
^ वा “आफ्नो हातले उसलाई थाम्नुहुन्छ।”
^ वा “बुद्धिका कुराहरू गुनगुनाउँछ; मनन गर्छ।”
^ वा “सत्यनिष्ठ।”
