پاک کلام چ صاف دَسیا گیا اے کہ خدا ساڈیاں مصیبتاں دا ذمے‌دار نئیں اے۔ یہوواہ خدا ایہہ کدی وی نئیں سی چاہندا کہ انساناں تے مصیبتاں آن۔ پر پہلے انساناں یعنی آدم تے حوا نے خدا دے خلاف بغاوت کیتی۔ اوہ چاہندے سن کہ اوہ ایہہ فیصلہ آپ کرن کہ اوہناں لئی کیہہ صحی اے تے کیہہ غلط۔ اوہناں نے خدا توں موُنہہ موڑ لیا جدا انجام بوہت ای بھیڑا ہویا۔‏

 اوہناں دے غلط فیصلے دی وجہ توں اَج سانوں مصیبتاں دا سامنا کرن پے رہیا اے۔ سو ایس لئی انساناں تے مصیبتاں خدا دی وجہ توں نئیں سگوں آدم تے حوا دے غلط فیصلے دی وجہ توں آنیاں شروع ہوئیاں۔‏

 پاک کلام چ لکھیا اے:‏ جدوں کوئی ازمیش دا سامنا کر رہیا ہووے تے ایہہ نہ کہوے کہ خدا مینوں آزما رہیا اے کیونکہ خدا نہ تے بھیڑے کم کر سکدا اے تے نہ ای اوہ کسے نُوں بھیڑے کماں نال ازماندا اے۔ (‏یعقوب 1:‏13‏)‏ مصیبتاں کسے تے وی آ سکدیاں نیں، ایتھوں تک کہ خدا دے بندیاں تے وی۔‏