جی بالک‌ل۔ اَسی ایہہ ایس لئی کہہ سکنے آں کیونکہ خدا چاہندا اے کہ لوک اوہدی عبادت لئی جمع ہون۔ پاک کلام چ لکھیا اے:‏ آؤ اِک دُوجے بارے سوچدے رہیے تاکہ محبت تے چنگے کم کرن لئی اِک دُوجے دا حوصلہ ودھائیے۔ تے اِک دُوجے نال جمع ہون چ ناغہ نہ کریئے۔‏‏—‏عبرانیوں 10:‏24‏، 25‏، فٹ نوٹ۔‏

 یسوع مسیح نے دَسیا سی کہ اوہدے پیروکار اِک گروہ بن جان گے‏۔‏ اوہنے اپنے پیروکاراں نُوں کہیا‏:‏ جے تواڈے وچ پیار ہووے گا تے سارے لوک پچھان جان گے کہ تُسی میرے شاگرد او۔ (‏یوحنا 13‏:‏35‏)‏ ایس محبت نُوں ظاہر کرن لئی، مسیح دے شاگرداں لئی ضروری سی کہ اوہ اپنے ہم ایماناں نال میل جول رکھن۔اوہناں نے کلیسیاواں دی شکل چ جمع ہو کے باقاعدگی نال خدا دی عبادت کرنی سی‏۔‏ (‏1-‏کُرنتھیوں 16:‏19‏)‏ اوہناں ساریاں نے مِل کے اِک ایہو جہی برادری بن جانا سی جیہڑی پوری دُنیا چ پھیلی ہووے۔‏‏—‏1-‏پطرس 2:‏17‏۔‏

کسے مذہب دا حصہ ہونا ای کافی نئیں اے

 ایہہ سچ اے کہ بائبل توں ظاہر ہوندا اے کہ لوکاں نُوں خدا دی عبادت لئی جمع ہونا چاہی دا اے، پر ایہدے چ ایہہ نئیں دَسیا گیا کہ کوئی بندہ صرف کسے مذہب دا حصہ ہون دی وجہ توں خدا نُوں خوش کر سکدا اے۔ خدا نُوں خوش کرن لئی اِک بندے نُوں اپنی زندگی بائبل دی تلیم دے مطابق گزارنی چاہی دی اے۔ مثال لئی پاک کلام چ لکھیا اے:‏ ساڈے خدا تے باپ دے نزدیک پاک صاف عبادت ایہہ وے کہ اَسی اوہناں یتیماں تے بیوہ عورتاں دی مدد کریئے جیہڑے دُکھ سہہ رہے نیں تے ایہدے نال نال اپنے آپ نُوں وی دُنیا توں بے داغ رکھئے۔‏‏—‏یعقوب 1:‏27‏، فٹ‌نوٹ۔‏