Isaïas 66:1-24
66 Teyta Jehovämi këta nin:
“Ciëluqa gobernar täkunämi y patsanam chakïkuna jamakunampaq.+
Tsënö kaptinqa, ¿mëchöraq wayï rurayämunkiman+y mëchöraq jamarinäpaq sitiuta rurayämunkiman?”+
2 Teyta Jehoväqa këtapis ninmi:
“Kikï rurashqa kaptïmi tsë llapampis kan.+
Tsëmi humildi, llakishqa y palabräta respetaq nunakunata rikäshaq.+
3 Töruta wanutseqqa nunata wanutseqnömi o wañutseqnömi.+
Üshata pishtaqpis allqupa kunkanta milloqnömi.+
Qarëta apamoqpis kuchipa yawarninta apamoqnömi.+
Aceitünaspita aceitita qarakoqpis santukunata adoraqnömi.+
Pëkunaqa munëninkunatam rurakuyan,y melanëpaqkunata rurarmi kushikuyan.+
4 Qayaptïpis manam ni pï contestamarqantsu,+parlapaptïpis manam wiyayämarqantsu.
Rikënïchömi mana allikunata rurayarqan,y melanëpaqkunata rurarmi kakuyarqan.+
Tsëmi pëkunata imanö castiganäpaq rikäshaq,y alläpa mantsayanqantam pëkunaman chätsishaq”.+
5 Palabranta cäsukoqkuna, Teyta Jehovä kënö ninqanta wiyakuyë:
“Jutïrëkur chikiyäshoqniki wawqikikunam ‘Jehovä alabashqa katsun’+ niyan.
Peru noqaqa* yurirkamurmi kushishqa kayänëkipaq yanapayashqëki,y pëkunaqa penqakuychömi ushayanqa”.+
6 Chikeqninkunata Teyta Jehovä castigaptinmi,markapita y templupita mantsakar büllayanqan wiyakan.
7 Manaraq höranchömi wamran yurirqan,+y manaraq nanatsikuptinmi ollqu wamran yurirqan.
8 ¿Imëllaqa tsënö pasakunqanta wiyayarqunkiku?
¿Imëllaqa tsënö pasakunqankunata rikäyarqunkiku?
¿Juk nacionqa juk junaqllachö yurinmantsuraq?
¿O juk nacion juk kutillachö yurinmantsuraq?
Tsënö kaptimpis, nanatsikur qallëkuptinllam Sionpaqa wamrankuna yuriyarqan.
9 “¿Wamra yurinan höra chämunanta permitikartsuraq, tsë wamra yurinanta michäküman?” ninmi Teyta Jehovä.
“¿Wamra yurinan höra chämunanta permitikartsuraq tsë wamra yurinanta permitïmantsu?” ninmi Teyta Dios.
10 Llapëki Jerusalenta kuyaqkuna y pëpaq llakishqa këkaqkunaJerusalenwan alläpa kushikuyë.+
11 Juk mama llullunta pachan juntanqanyaq chichinqannömi,* qamkunatapis Jerusalen marka cuidayäshunki.
Awmi, Jerusalen alliyashqa kaptinmi kushishqa kayanki.
12 Tsënöqa kanqa Teyta Jehovä kënö niptinmi:
“Mana ushakaq mayutanömi* yamë këta apamushaq,+ y wakpa këpa ëwaq mayunöminacionkunapa imëkankunawan reqishqa kanqa.+
Pëqa qamkunatam chichiyäshunki* y rikranchömi apayäshunki,y kuyarmi mellqaninchö katsiyäshunki.
13 Juk mama wawanta shoqaqnömi,qamkunatapis noqa shoqayashqëki.+
Jerusalen yapë sharkatsishqa kaptinmi shoqakuyta tariyanki.+
14 Tsëta rikäyaptikim shonquykikunapis alläpa kushikunqa,y cuerpuykikunapis verdi qewanömi kanqa.
Noqa Jehovä qamkunata yanapaptïmi* podernïta rikäyanki,peru chikiyäshoqnikikunataqa llapantam ushakätsishaq”.+
15 “Mana cäsukuyanqanrëkur ushakätsinampaq,y ninawannöraq ushakätsinampaqmiJehoväqa ninanö shamuykan.+
Carrëtankunapis mantsakëpaq fuerti vientunömi.+
16 Teyta Jehoväqa ninawannömi mana allita ruraqkunapaq castïguta apamunqa.
Llapan nunakunatam espädawan ushakätsinqa.
Awmi, Teyta Jehoväqa mëtsikaqtam ushakätsinqa.
17 Huertakunachö* santukunata adorayänampaq limpiakoqkuna,+ kuchi ëtsata mikoqkuna,+ melanëpaqkunata mikoqkuna y ukushkunata mikoqkunaqa+ llapankunam ushakäyanqa” ninmi Teyta Jehovä.
18 Imata rurayanqëkita y pensayanqëkita musyämi, tsëmi mëtsë nacionpita nunakunata y tukuy idiöma parlaq nunakunata juntamushaq y pëkunam shamur alabayämanqa.
19 “Pëkunamanmi señalta churashaq y qeshpir ëwakoqkunataqa mana reqimaq y podernïta mana rikashqa nacionkunamanmi mandashaq. Awmi pëkunataqa, flëchata alli manejëta yachaq Tarsis,+ Pul y Lud+ nacionkunaman, y Tubal, Javan+ y islachö këkaq karu markakunamanmi mandashaq. Tsë nacionkunachömi noqata alabayämanqa.+
20 Pëkunaqa Jerusalen sagrädu jirkämanmi, mëtsë nacionman apashqa marka mayikikunata, noqa Jehoväpaq qarëtanö apayämunqa.+ Pëkunaqa cawallukunawan, jatusaq y taksha carrëtakunawan, muläkunawan y camëllukunawanmi apayämunqa. Tsëqa israelïtakuna noqa Jehoväpa wayïman limpiu mankakunachö apayämunqan qarënömi kanqa” ninmi Teyta Jehovä.
21 “Tsënöllam sacerdöti y levïta kayänampaqpis wakinta akrashaq” ninmi Teyta Jehovä.
22 “Imanömi ruramunäpaq kaq mushoq ciëlukuna y mushoq patsaqa+ mana imëpis ushakanqatsu, tsënöllam qamkunapa kastëkikuna y jutikikunapis, imëpis ushakanqatsu” ninmi Teyta Jehovä.+
23 “Cada killa y cada semänam* llapëkikuna puntäman shamuradorayämänëkipaq qonqurikayämunki”+ ninmi Teyta Jehovä.
24 “Chikimaqkunapa ayankunatam rikäyanki,y pëkunachö kurukunaqa manam ushakanqatsu.
Pëkunata rupëkaq ninaqa manam ushakanqatsu,+y llapan nunakunapaqmi melanëpaq kanqa”.
Nötakuna
^ Tsënö nirqa, Jehoväpaqmi parlëkan.
^ Kënöpis niyanmi: chuchunqannömi.
^ Kënöpis niyanmi: chuchuyäshunki.
^ Kënöpis niyanmi: riutanömi.
^ Kënöpis niyanmi: yanapayapteqmi.
^ Hebreu idiömachöqa “Chowpichö këkaq nunapa qepanchö huertakuna” ninmi.
^ Hebreu idiömachöqa “Cada llullu killa y cada säbadum” ninmi.