BATJHA BA A BOTSA
Ke Hobaneng ha ke Lokela ho Rapela?
Dipalopalo tsa America di bontsha hore boholo ba batjha ba a rapela, empa ke halefo ya bona feela e rapelang letsatsi le leng le le leng. Sena ha se makatse hobane ba bang ba a ipotsa hore na thapelo ke tsela ya hore motho a imolohe maikutlong, kapa ho akarelletsa se fetang moo?
Thapelo keng?
Thapelo ke puisano e pakeng tsa motho le Mmopi wa dintho tsohle. Nahana hore na seo se bolelang! Jehova o phahametse batho, empa ha a “hole le e mong le e mong wa rona.” (Liketso 17:27) Haele hantle, Bibele e re ho rona: “Atamelang ho Modimo, mme o tla atamela ho lona.”—Jakobo 4:8.
O ka atamela haufi le Modimo jwang?
Tsela e nngwe ke ka thapelo—ke yona tsela eo o buang le Modimo ka yona.
Tsela e nngwe ke ka ho bala Bibele—ke yona tsela eo Modimo a “buang” le wena ka yona.
Puisano ena—e leng ho rapela le ho ithuta Bibele—e tla o thusa hore o hahe setswalle se matla le Modimo.
“Ho bua le Jehova—ho buisana le ya Matla Ohle—Ke o mong wa menyetla e meholo eo motho a ka bang le yona.”—Jeremy.
“Ho bolella Jehova maikutlo a ka a tebileng ka thapelo, ho etsa hore ke ikutlwe ke atametse haufi le yena.”—Miranda.
Na Modimo o mametse?
Le ha o dumela ho Modimo—ebile o mo rapela—ho ka ba thata hore o dumele hore ka nnete wa re mamela. Le ha ho le jwalo, Bibele e re Jehova ke “Ya Utlwang thapelo.” (Pesaleme ya 65:2) Ebile e re mema hore re ‘lahlele matshwenyeho ohle a rona ho yena.’ Hobaneng? ‘Hobane wa re tsotella.’—1 Petrose 5:7.
Seo o ka nahanang ka sona: Na o ipha nako ya ho bua le metswalle ya hao kgafetsa? O ka etsa se tshwanang ha o bua le Modimo. Bua le yena kgafetsa mme o sebedise lebitso la hae e leng Jehova ha o rapela. (Pesaleme ya 86:5-7; 88:9) Le Bibele ya re kgothaletsa e re: “Rapelang le sa phetse.”—1 Bathesalonika 5:17.
“Thapelo ke puisano e pakeng tsa ka le Ntate wa ka wa lehodimo, ka yona ke kgona ho tshollela pelo ya ka yohle ho yena.”—Moises.
“Ke bua le Jehova ka dintho tse tebileng tseo ke neng ke tla di bua le mme wa ka kapa le motswalle ya haufi.”—Karen.
Keng seo nka se rapellang?
Bibele e re: “Nthong e nngwe le e nngwe ka thapelo le thapedi hammoho le diteboho dikopo tsa lona tse matla di ke di tsebiswe Modimo.”—Bafilipi 4:6.
Na see se bolela hore ho lokile hore o rapele ka mathata a hao? Ho jwalo! Haele hantle Bibele e re: “Lahlela morwalo wa hao ho Jehova, o tla o tshehetsa.”—Pesaleme ya 55:22.
Ke nnete hore sena ha se bolele hore o tla bua ka mathata a hao feela. Chantelle ya dilemo tse 23 o re: “Ke ne ke tla senya setswalle sa ka le Jehova haeba ke ne ke tla dula ke mo kopa thuso feela. Ho leboha Jehova e lokela ho ba nthong e tlang pele, le hore dintho tseo ke di lebohang di lokela ho ba ngata ho feta tseo ke di kopang.”
Seo o ka nahanang ka sona: Ke dintho di fe tseo o di lebohelang? Na o ka nahana ka dintho tse tharo tseo o ka lebohang Jehova ka tsona kajeno?
“Le ntho e nyane jwalo ka ho sheba lelomo, ho ka o susumelletsa hore o rapele Jehova mme o mo lebohe.”—Anita.
“Nahanisisa ka e nngwe ya dintho tseo kgahlileng popong ya Jehova kapa temana ya Bibele eo o e ratang mme ka mora moo o lebohe Jehova.”—Brian.
O ka Nna wa Rata le Tsena
MAQEPHE A HO NGOLLA
Tsela ya ho Ntlafatsa Dithapelo tsa Hao
Leqephe lena la ho ngolla le tla o thusa hore o hlahlobe dintho tseo o di rapellang le boleng ba puisano ya hao le Modimo.
ESSENTIAL BIBLE TEACHINGS
Na Modimo o Mamela Dithapelo Tsohle?
Ho thweng haeba motho a rapela ka mabaka a boithati? Ho thweng haeba monna ya sa tshwareng mosadi wa hae hantle a kopa hore Modimo a mo hlohonolofatse?
TORA YA HO LEBELA
Na Modimo o Utlwa Dithapelo Tsa Rona?
Bibele ya re kgodisa hore Modimo o a re mamela haeba re mo rapela ka tsela e nepahetseng.
