Isaia 2:1-22
2 Seno ke se Isaia morwa Amosi a neng a se bona mo ponatshegelong ya se se tla diragalelang Juda le Jerusalema:+
2 Mo metlheng ya bofelo,Thaba e ntlo ya ga Jehofa e leng mo go yoneE tla tia thata kwa godimo ga ditlhoa tsa dithaba,+E bile e tla tsholelediwa kwa godimo ga dithota,Mme ditšhaba tsotlhe di tla ologela kwa go yone.+
3 Merafe e le mentsi e tla tla e bo e re:
“Tlang, a re tlhatlogeleng kwa thabeng ya ga Jehofa,Kwa ntlong ya Modimo wa ga Jakobe.+
O tla re ruta ditsela tsa gagwe,Mme re tla tsamaya mo ditselaneng tsa gagwe.”+
Gonne molao* o tla tswa kwa Siona,Le lefoko la ga Jehofa le tla tswa kwa Jerusalema.+
4 O tla atlhola ditšhabaA bo a tlhamalatsa* dilo mo merafeng e le mentsi.
Ba tla fetola ditšhaka tsa bone ba di dira megoma*Le marumo a bone ba a dira dikere tse di pomang.+
Setšhaba ga se kitla se lwa le setšhaba se sengwe,*E bile ga ba kitla ba tlhola ba ithuta ntwa gape.+
5 Tlang lona ditlogolwana tsa ga Jakobe,A re tsamayeng mo leseding la ga Jehofa.+
6 Gonne o latlhile batho ba gago, e leng ditlogolwana tsa ga Jakobe,+Ka gonne ba latela mekgwa e mentsi e e tswang kwa Botlhaba;Ba dira maselamose+ jaaka Bafilisitia,E bile go tletse bana ba batswakwa mo go bone.
7 Lefatshe la bone le tletse selefera le gauta,E bile matlotlo a bone ga a na selekanyo.
Lefatshe la bone le tletse dipitse,E bile dikara tsa bone ga di na selekanyo.+
8 Lefatshe la bone le tletse medimo e e se nang mosola.+
Ba obamela dilo tse ba di dirileng ka diatla tsa bone,E leng dilo tse ba di dirileng ka menwana ya bone.
9 Ka jalo, motho o a obega, o a itlontlolola,Mme ga o ka ke wa ba itshwarela.
10 Tsena mo lefikeng mme o iphitlhe mo lorolengKa ntlha ya bogale jwa ga Jehofa jo bo boifisangLe bogolo jwa gagwe le kgalalelo ya gagwe.+
11 Batho ba ba mabela ba tla kokobediwa,E bile batho ba ba boikgodiso ba tla ikoba.*
Mo letsatsing leo, Jehofa o tla tlotlomadiwa a le esi.
12 Gonne ke letsatsi la ga Jehofa wa masomosomo.+
Le tlela mongwe le mongwe yo o mabela le yo o ikgodisang,Le tlela mongwe le mongwe, e ka tswa e le wa maemo a a kwa godimo kgotsa wa maemo a a kwa tlase,+
13 Le tlela masedara otlhe a kwa Lebanona a a goletseng kwa godimo le a a tlotlometsengE bile le tlela ditlhare tsotlhe tsa moakere* tsa kwa Bashana,
14 Le tlela dithaba tsotlhe tse diteleleE bile le tlela dithota tsotlhe tse di kwa godimo,
15 Le tlela tora nngwe le nngwe e e kwa godimo le lobota longwe le longwe lo lo sireletsegileng,
16 Le tlela dikepe tsotlhe tsa Tareshishe+E bile le tlela mekoro yotlhe e e rategang.
17 Motho yo o mabela o tla kokobediwa,E bile batho ba ba boikgodiso ba tla ikoba.*
Mo letsatsing leo, Jehofa o tla tlotlomadiwa a le esi.
18 Medimo e e se nang mosola e tla fedisiwa gotlhelele.+
19 Mme batho ba tla tsena mo dikgagengLe mo mesimeng+Ka ntlha ya bogale jwa ga Jehofa jo bo boifisangLe bogolo jwa gagwe le kgalalelo ya gagwe,+Fa a tla go dira gore lefatshe le rorome ka ntlha ya letshogo.
20 Mo letsatsing leo batho ba tla tsaya medimo ya bone e e se nang mosola ya selefera le ya gautaE ba neng ba e itiretse gore ba e obameleBa bo ba e latlhela kwa dirunyeng* le kwa go bommamanthwane,+
21 Gore ba tsene mo mesimeng e e mo matlapeng a magoloLe mo diphatlheng tsa mafika,Ka ntlha ya bogale jwa ga Jehofa jo bo boifisangLe bogolo jwa gagwe le kgalalelo ya gagwe,Fa a tla go dira gore lefatshe le rorome ka ntlha ya letshogo.
22 Gore dilo di lo tsamaele sentle, tlogelang go ikanya motho,Yo o tshwanang fela le mohemo mo marobeng a dinko tsa gagwe.*
Goreng a tshwanetse go tsewa tsia?
Dintlha Tse di Kwa Tlase
^ Kgotsa “taelo.”
^ Kgotsa “baakanya.”
^ Seheb., “magale a megoma.”
^ Seheb., “se tsholeletsa setšhaba se sengwe tšhaka.”
^ Kgotsa “kokobediwa.”
^ Mofuta mongwe wa ditlhare tse dikgolo. Ka Seesemane se bidiwa oak.
^ Kgotsa “kokobediwa.”
^ Diphologotswana tse di senyang tse di amusang.
^ Kgotsa “Yo mohemo wa gagwe o leng mo marobeng a dinko tsa gagwe.”
