Se Tusi Mua mō ‵Tou Aso Nei
A te tokoukega o tino e āva ki te Tusi Tapu me se tusi e tapu. Kae e uke atu a mea e fakamatala mai i te Tusi Tapu i lō te fai fua e pelā me se tusi e tapu. E maua i ei a fesoasoani aoga mō ‵tou olaga i aso nei.
E pelā me se fakaakoakoga, ke na mafau‵fau nei tatou ki mau mai tino kolā ne maua ne latou a mea aoga mai te fai‵tau ki te Tusi Tapu kae fakagalue aka a manatu fesoasoani mai i ei i olotou olaga.
“Ko paleni ‵ki nei toku olaga. A oku lagonaga mo oku mafaufauga ko gasolo aka loa o ‵lei. Ko fiafia malosi nei au.”—Fiona.
“Mai te faiga o sukesukega ki te Tusi Tapu, ko maua ne au a mea aoga mo se fakamoemoega i te olaga.”—Gnitko.
“Ko gasolo o lei ‵ki toku olaga. Ko mu‵tana a taimi e galue sāle ei au, kae ko uke oku taimi e fakamāumāu mo toku kāiga.”—Andrew.
E uke aka foki nisi tala mai nisi tino. A te tokoukega o tino i te lalolagi kātoa ko oti ne maua ne latou a fakatakitakiga aoga mai te Tusi Tapu e uiga ki te olaga.
Ke onoono nei tatou ki auala e mafai ne te Tusi Tapu o tai faka‵lei aka a te . . .
Ola ‵lei
Ola ‵lei i mea tau lagonaga
Olaga i te kāiga mo vā fakataugasoa
Palani ‵lei i tulaga i mea tau tupe
Feitu faka-te-agaga
I mataupu konei e fakasolo mai tua, ka fakaasi mai me e se gata fua i te fai a te Tusi Tapu e pelā me se tusi e tapu, kae se tusi telā ka maua ne koe a mea aoga mai i ei e uiga ki tou olaga.