1 Korinfliklarga 10:1-33
10 Birodarlar, sizlar quyidagilarni bilishingizni istayman: ota-bobolarimizning hammasi bulut ostida yo‘l yurib+, dengizdan o‘tishdi+.
2 Bundan tashqari, barchasi Musoning orqasidan ergashib, bulut va dengiz orqali suvga cho‘mishdi.
3 Shuningdek, hammalari birday ilohiy ozuqani yeb+,
4 birday ilohiy suvni ichishdi+. Ular orqalaridan kelayotgan ilohiy qoyadan suv ichishdi. Bu qoya Masihning ramzi edi+.
5 Biroq ulardan ko‘pchiligi Allohga ma’qul kelmay, sahroda o‘lib ketishdi+.
6 Ularga o‘xshab yomonlikni istamasligimiz uchun, bu bizga saboq bo‘ldi+.
7 Ularning ba’zilaridek butparast bo‘lmanglar. Ular haqida Muqaddas Yozuvlarda: «Xalq yeb-ichish uchun o‘tirdi, keyin esa o‘rnidan turib, vaqtichog‘lik qila boshladi»+,— deyilgan.
8 Ayrimlari kabi zino* ham qilmaylik. Zero ular zino qilishgani tufayli bir kunda 23 000 kishi halok bo‘ldi+.
9 Yahovani* ham sinamaylik+. Ba’zilari Uni sinashgani uchun ularni ilonlar chaqib o‘ldirdi+.
10 Nolimanglar. Ulardan ayrimlari nolib+, qiruvchining qo‘lidan nobud bo‘lishdi+.
11 Bularning barchasi saboq bo‘lsin deya ularning boshiga tushgan hamda zamonalarning oxirida yashayotgan bizlar uchun ogohlantirish sifatida yozilgan+.
12 Shunday ekan, kim tik turibman deb o‘ylasa, ehtiyot bo‘lsin, tag‘in yiqilib tushmasin+.
13 Sizlar odamlar yo‘liqayotgan oddiy vasvasalarga duch kelyapsizlar+. Xudo esa O‘z so‘ziga sodiqdir va dosh bera olmaydigan darajada vasvasa qilinishingizga U yo‘l qo‘ymaydi+. Aksincha, vasvasa paytida chiday olishingiz uchun ilojini ham beradi+.
14 Shu bois, azizlarim, butparastlikdan qochinglar+.
15 Bu so‘zlarni es-hushli odamlarga murojaat qilgandek gapiryapman. Aytganlarimdan o‘zlaringiz xulosa chiqaringlar.
16 Biz qutlayotgan shukrona kosasi Masih qoniga sherik bo‘lishimizni anglatmaydimi?+ Shuningdek, biz sindirayotgan non Masihning tanasiga sherik bo‘lishimizni bildirmaydimi?+
17 Non bitta bo‘lganiday, biz ham ko‘p bo‘lishimizga qaramay, bir tanmiz+. Sababi, hammamiz bitta nonni bo‘lishyapmiz.
18 Isroil xalqiga* qaranglar: qurbonliklardan yeganlar, nahotki qurbongohga sherik bo‘lishmasa?+
19 Xo‘sh, nima desam ekan? Butlarga bag‘ishlangan qurbonlik yoki butning o‘zi biror ahamiyatga egami?
20 Yo‘q. Ammo shuni aytmoqchimanki, boshqa xalqlar keltirgan qurbonliklar Xudoga emas, jinlarga bag‘ishlanadi+. Men esa jinlarga sherik bo‘lishingizni xohlamayman+.
21 Sizlar ham Yahovaning* kosasidan, ham jinlarning kosasidan icha olmaysizlar; ham «Yahovaning* dasturxonidan»+, ham jinlar dasturxonidan taom yeya olmaysizlar.
22 Yoki «Yahovaning* rashkini qo‘zg‘atmoqchimizmi»?+ Nahotki biz Undan kuchliroq bo‘lsak?
23 Menga har narsa ruxsat etilgan, lekin hammasi ham foydali emas. Har narsa menga ruxsat etilgan bo‘lsa-da, hammasi ham dalda bermaydi+.
24 Har kim o‘zining emas, o‘zganing manfaatini ko‘zlasin+.
25 Go‘sht bozorida sotiladigan hamma narsani surishtirmay, toza vijdon bilan yeyaveringlar.
26 Zero «yer yuzi hamda undagi bor narsa Yahovaga* tegishlidir»+.
27 Agar imondosh bo‘lmagan biror kishi sizlarni mehmonga chaqirsa va sizlar borishga rozi bo‘lsangiz, oldingizga qo‘ygan hamma narsani surishtirmay, toza vijdon bilan yeyaveringlar.
28 Mabodo kimdir: «Bu narsalar butlarga bag‘ishlangan»,— deb qolsa, aytgan kishi uchun hamda hech kimning vijdoni qiynalmasin deb, uni yemanglar+.
29 Men sizlarning emas, o‘zga odamning vijdonini nazarda tutyapman. Mening erkinligimni boshqa kishining vijdoni hukm qilishiga yo‘l berib nima qilaman?+
30 Agar taomni Allohga shukrona aytib yesam, unda shukrona aytib yegan taomim uchun nega ayblanishim kerak?+
31 Shu sababdan, yeysizlarmi, ichasizlarmi, nimaiki qilsangizlar, hamma narsani Xudoni sharaflash uchun qilinglar+.
32 Na yahudiylar, na yunonlar, na Tangri jamoatining qoqinishiga sababchi bo‘lmanglar+.
33 Men ham o‘zimning emas, ko‘plarning foydasini ko‘zlab+, Alloh ularni qutqarib qolishi uchun, barchani har narsada mamnun etyapman+.
