ABINGI tumanyirire enkuru eri kugamba ku Yesu yahanikirwe ahagati y’abashuma babiri. (Mat 27:35-38) Konka abingi tibari kwikiriza bashoma omu Bibuli ku omubiri gwa Yesu gwategwirwe ngu guzikwe omu kituro.​—Mak 15:42-46.

Bamwe omu bari kuhakanisa ebiri omu bitabo by’Engiri nibabanganisa ku omuntu owabire nahanikwa yabire nazikwa omu kituro. Bakaba nibikiriza ku omu mwanya gw’eco abantu nk’abo babire nibatwarizibwa omu gundi muringo. Omunyamakuru ori kwetwa Ariel Sabar, akahandika omu kinyamakuru ceye, rero yashoborora enshonga ahabw’enki babire bari kwirikiriza basyoya. Akahandika ati: “Ekihano c’okuhanika bakaba nibakiha omuntu okozire ekibi kihango kandi abanyabwenge bamwe bakagamba ku cabire kitahikire kutekateka ku Abaroma babire nibaha ekitinisa abantu nk’abo bari kubazika ge.” (Smithsonia) Abaroma bakaba bari kwenda ngu emibiri y’abo bashuma eshware munonga, obwe rero bakaba nibagireka aha kiti kugira ngu eribwe n’enyamishwa. Bwanyima ebisigarira bakaba nibabizika omu kituro.

Konka abajumbuzi bakajumbura ekindi kintu ecabire nikikorerwa amagufa ga bamwe omu Bayudaya ababire nibitwa. Omu mwaka gwa 1968, hine amagufa g’omushija owisirwe omu kinyigana c’okubanza agarebekire. Gakashangwa omu kituro c’eka emwe y’Abayudaya hihi ya Yerusalemu. Gakaba gari omu kishanduku c’amagufa. Igufa ry’akasinsino na ryo rikaba ririmu. Rikaba ritirwe aha kibaho n’omusimari ogwine centimita 11.5 (inci 4.5). Sabar akagamba ati: “Eryo igufa ry’akasinsino ry’omushija ori kwetwa Yehokanani, rikatuha ekihamya ekiri kwereka ku enkuru y’omu bitabo by’Engiri eri kugamba aha kuzikwa kwa Yesu ehkiire.” Ago magufa ga Yehokanani nigereka ku omu bwire bwa Yesu Abaroma babire nibikiriza ngu Abayudaya bazikwe.”

Nihabasa kuba habire hariho emitekatecere etari kushushania aha ku Yesu yabire ahanikirwe aha kiti. Konka niceyereka ku hine abantu ababire nibahanikwa batabihe eha kiti. Konka kandi hine abandi ababire nibahanikwa bwanyima bakazikwa. Eco nicereka ku ebi Bibuli eri kugamba aha ku Yesu yazikirwe omu kituro kirungi biri amazima. Ekihamya nikishagika ebi Bibuli eri kugamba.

Ekiri kukira ahari ebyo, Yehova akaba yagambire ku Yesu yabire arije kuzikwa omu kituro c’omugiga, kandi tihine omuntu n’omwe owabire ari kubasa kutuma kitahikirira.​—Isa 53:9; 55:11.