ფსალმუნები 62:1—12
გუნდის ხელმძღვანელს: იედუთუნი*. დავითის საგალობელი.
62 მდუმარედ ველოდები ღმერთს.
ის არის ჩემი მხსნელი.+
2 ის არის ჩემი კლდე, ჩემი მხსნელი და თავშესაფარი;+რომც წავფორხილდე, არ დავეცემი.+
3 როდემდე უნდა ესხმოდეთ თავს კაცს, რომლის მოკვლასაც ლამობთ?+
ყველანი ქვის გადახრილი კედელივით ხართ, რომელიც სადაცაა ჩამოიქცევა*.
4 ერთმანეთში თათბირობენ, როგორ წაართვან მას ძალაუფლება.სიცრუე სიამოვნებთ.
ბაგით ლოცავენ მას, გულში კი წყევლიან.+ (სელა)
5 ღმერთს ველოდები მდუმარედ,+რადგან მასზე ვარ დაიმედებული.+
6 ის არის ჩემი კლდე, ჩემი მხსნელი და თავშესაფარი;არ დავეცემი.+
7 ჩემს ხსნასა და დიდებას ღმერთს ვუმადლი,
ჩემთვის ღმერთი თავშესაფარია, მტკიცე კლდეა.+
8 მუდამ მასზე დაამყარეთ იმედი, ხალხო,
გული გადმოუღვარეთ მას.+
ღმერთია ჩვენი თავშესაფარი.+ (სელა)
9 ერთ ამოსუნთქვასავითაა ადამიანი,ვერ დაენდობი კაცს.+
სასწორზე ყველანი ერთ ამოსუნთქვაზე მსუბუქი აღმოჩნდებიან.+
10 ნუ გეგონება, რომ გამოძალვით გამდიდრდები,და ნუ იფიქრებ, რომ ძარცვით მოიხვეჭ ქონებას.
თუკი ქონება დაგიგროვდება, ნუ დაენდობი მას.+
11 ორჯერ მოვისმინე ღვთის ნათქვამი,რომ ღვთისგანაა ძალა.+
12 სიკეთეც* შენგანაა, იეჰოვა,+რადგან ყველას თავისი ნამოქმედარისამებრ მიუზღავ.+
სქოლიოები
^ იხ. „ბიბლიურ სიტყვათა განმარტებანი“.
^ ან შესაძლოა: „ყველანი ისე ესხმით თავს, თითქოსდა იგი ქვის გადახრილი კედელი იყოს, რომელიც სადაცაა ჩამოიქცევა“.
^ ებრ. „ხესედ“. იხ. „ურყევი სიყვარული“ („ბიბლიურ სიტყვათა განმარტებანი“).
