ფსალმუნები 65:1—13
გუნდის ხელმძღვანელს. დავითის ფსალმუნი.
65 ღმერთო, შენი ქება გაისმება სიონში;+შეგისრულებთ აღთქმებს.+
2 ლოცვების მომსმენო, შენთან მოვა ყველანაირი ადამიანი.+
3 ჩემმა შეცდომებმა მშთანთქა,+მაგრამ შენ გვპატიობ ცოდვებს.+
4 ბედნიერია ის, ვისაც აირჩევ და დაიახლოებშენს ეზოებში დასამკვიდრებლად.+
ავივსებით იმ კურთხევებით, შენს სახლში რომ არის,+შენს წმინდა ტაძარში.+
5 შენი სიმართლისამებრ შიშის მომგვრელი საქმეებით+ გვიპასუხებ,ღმერთო, ჩვენო მხსნელო;შენ ხარ დედამიწის კიდეებსა+თუ შორეულ ზღვისპირეთში მცხოვრებთა იმედი.
6 მტკიცედ დააფუძნე მთები შენი ძალით;ძლიერებით ხარ მოსილი.+
7 შენ აწყნარებ ბობოქარ ზღვებს,+მგრგვინავ ტალღებსა და მღელვარე ერებს.+
8 შენი ნამოქმედარის გამო შიში შეიპყრობთ შორეული მხარეების მკვიდრთ;+შენი წყალობით ყველა სიხარულით იყიჟინებს მზის ამოსავლიდან მზის ჩასავლამდე.
9 ღმერთო, შენ ზრუნავ დედამიწაზე,აძლევ ხვავსა და ბარაქას,+
წყლით ავსებ მდინარეებს,მარცვლეულს აძლევ ადამიანებს;+ასე გაქვს შექმნილი დედამიწა.
10 შენ რწყავ მის კვლებს და ასწორებ მის ხნულებს;შხაპუნა წვიმებით ალბობ მას და აკურთხებ მის ამონაყარს.+
11 შენი სიკეთით* აგვირგვინებ წელიწადს;ხვავი და ბარაქაა შენს გზასავალზე.+
12 აბიბინებულა საძოვრები უდაბნოში+და სიხარული გამეფებულა გორებზე.+
13 ფარებით მოფენილა საძოვრებიდა მარცვლეულით ავსებულა მინდვრები;+
სიხარულით ყიჟინებენ და მღერიან ისინი.+
სქოლიოები
^ იხ. „სიკარგე“ („ბიბლიურ სიტყვათა განმარტებანი“).