“E se eka batho ba ka tseba hore wena, eo lebitso la hao e leng Jehova, ke wena feela Ya Phahameng ka ho Fetisisa hodima lefatshe lohle.”

Pesaleme ya 83:18

“Tsebang hore Jehova ke Modimo. Ke yena ya re bopileng mme re batho ba hae.”

Pesaleme ya 100:3

“Ke nna Jehova. Leo ke lona lebitso la ka. Nke ke ka fa e mong tlhompho ya ka kapa ka fa ditshwantsho tse betlilweng thoriso ya ka.”

Esaia 42:8

“E mong le e mong ya tshepetseng lebitsong la Jehova o tla pholoha.”

Baroma 10:13

“Ntlo e nngwe le e nngwe e hahwa ke motho ya itseng empa ya hahileng dintho tsohle ke Modimo.”

Baheberu 3:4

 “Phahamisetsang mahlo lehodimong mme le bone. Ke mang ya bopileng dintho tsee? Ke ya di etellang pele jwalo ka lebotho a bile a di bala kaofela, e nngwe le e nngwe o e bitsa ka lebitso. Ka lebaka la matla a hae a maholo le matla a hae a hlollang, ha ho le e nngwe ya tsona e siyo.”

Esaia 40:26