JW LIBRARY
Pakua na Utumie Biblia—Windows
Kusoma na kujifunza Biblia ni sehemu kuu ya JW Library.
Fuata maelekezo yafuatayo ili upakue na kutumia Biblia mbalimbali:
Pakua Biblia
Unaweza kupakua tafsiri mbalimbali za Biblia ili usome na kujifunza hata unapozima Intaneti.
Kwenye sehemu ya juu ya ukurasa, Bofya Biblia ili kuona orodha ya Vitabu vya Biblia.
Fungua Amri za Programu, Bofya kitufe cha Lugha ili kuonyesha orodha ya Biblia zilizopo. Tafsiri za lugha unazotumia mara nyingi zitapangwa juu kwenye orodha hiyo. Unaweza pia kutafuta Biblia kwenye orodha hiyo kwa kuandika jina la lugha au Biblia hiyo. Kwa mfano, andika “int” ili upate Biblia ya Kingdom Interlinear ya Kiingereza au “port” ili kupata Biblia zote za Kireno.
Biblia ambazo hazijapakuliwa zina na alama ya wingu. Bofya Biblia ili uipakue. Biblia inapopakuliwa kwenye kifaa chako, alama ya wingu hutoweka. Bonyeza tena Biblia hiyo ili uisome.
Usipoona tafsiri ya Biblia unayotaka, tafadhali tafuta baadaye. Tafsiri nyingine zitaongezwa kadiri zinavyopatikana.
Futa Biblia
Ikiwa huhitaji tafsiri fulani ya Biblia au ungependa kupata nafasi zaidi kwenye kifaa chako, unaweza kuifuta.
Kwenye sehemu ya juu ya ukurasa, bofya Biblia, kisha bofya kitufe cha Lugha ili kuonyesha orodha ya Biblia zilizopo. Bofya vitufe vitatu vya Mengineyo vilivyo kwenye Biblia unayotaka kufuta, kisha bofya Futa.
Pata Mambo Mapya ya Biblia
Mara kwa mara, huenda Biblia uliyopakua ikarekebishwa.
Biblia iliyorekebishwa huwa na alama ya vishale. Unapobofya Biblia hiyo, utaona ujumbe kwamba Biblia hiyo imerekebishwa. Bofya Pakua ili uisasishe, au bofya Baadaye ili uendelee kusoma tafsiri ileile.
Sehemu hizo mbalimbali zilipatikana Machi 2015 kwenye JW Library toleo la 1.4, ambalo linafanya kazi vizuri kwenye vifaa vinavyotumia mfumo wa Windows 8.1 au wa karibuni zaidi. Ikiwa hauoni mambo haya, tafadhali fuata mwelekezo kwenye makala “Anza Kutumia JW Library—Windows,” kwenyePata Habari za Karibuni Zaidi.
