யாக்கோபுக்கும் லேயாளுக்கும் பிறந்த நான்காவது மகன். என்றென்றும் ஆட்சி செய்கிற மகத்தான ராஜா ஒருவர் யூதா வம்சத்திலிருந்து வருவார் என்று தான் சாவதற்கு முன்பு யாக்கோபு தீர்க்கதரிசனமாகச் சொன்னார். யூதா வம்சத்தில்தான் இயேசு பிறந்தார். யூதா என்ற பெயர் யூதா கோத்திரத்தையும், பிற்பாடு யூதா ராஜ்யத்தையும் குறிக்கப் பயன்படுத்தப்பட்டது. யூதா ராஜ்யம், தெற்கு ராஜ்யம் என்று அழைக்கப்பட்டது. யூதா, பென்யமீன் கோத்திரத்தாரும் குருமார்களும் லேவியர்களும் இந்த ராஜ்யத்தில் இருந்தார்கள். தேசத்தின் தெற்குப் பகுதியில் இருந்த யூதா ராஜ்யத்தில்தான் எருசலேமும் ஆலயமும் இருந்தன.—ஆதி 29:35; 49:10; 1ரா 4:20; எபி 7:14.