Nnwom 4:1-8
Wɔde ma dwom kyerɛfo sɛ wɔmfa asanku nto. Dawid dwom.
4 O me trenee Nyankopɔn,+ mefrɛ wo a, gye me so.
Sɛ mekɔ ahohia mu a, ma minnya me ho ntetew.*
Hu me mmɔbɔ na tie me mpaebɔ.
2 Nnipa mma, mubebu m’anuonyam animtiaa akosi da bɛn?
Mobɛdɔ adehunu akosi da bɛn? Mubedi atoro akyi akosi da bɛn? (Sela)
3 Munhu sɛ obi a odi Yehowa nokware de, ɔrenni ne ho agoru koraa;*Mefrɛ Yehowa a, obetie me.
4 Mo bo mfuw, nanso monnyɛ bɔne.+
Monka mo asɛm mo koma mu wɔ mo mpa so, na monyɛ komm. (Sela)
5 Mommɔ trenee afɔre,Na momfa mo ho nto Yehowa so.+
6 Nnipa pii rekeka sɛ: “Hena na ɔbɛma yɛahu adepa?”
O Yehowa, ma w’anim hann nhyerɛn yɛn so.+
7 Woama me koma ani agyeAsen wɔn a wotwa hwiit* pii na bobesa foforo bu wɔn so no.
8 Mɛtɔ hɔ na mada asomdwoe mu,+Efisɛ wo Yehowa, wo nkutoo na woma minya ahotɔ.+
Ase Hɔ Nsɛm
^ Nt., “ma kwan kɛse mmɛda hɔ mma me.”
^ Anaa “ɔbɛma wada nsow.”
^ Ebetumi aba sɛ ɛyɛ baali.
