جاستاردىڭ ساۋالدارى
كىمنەن ۇلگى السام بولادى؟
«مەكتەپتە قانداي دا ٴبىر قيىندىققا بولسام، مەنىكىندەي جاعدايمەن كەزىككەن ادام جايلى ويلانىپ، سودان ۇلگى الۋعا تىرىسامىن. ۇلگى تۇتاتىن ادامىڭ بولسا، قيىندىقتاردان ٶتۋ الدەقايدا جەڭىل» (حەيلي).
ۇلگى تۇتار ادامىڭنىڭ بولعانى پروبلەمالاردى اينالىپ ٶتىپ، ماقساتتارىڭا جەتۋگە كومەكتەسەدى. ٴبىراق بۇل ٷشىن ۇلگى ەتىپ لايىقتى ادامدى تاڭداۋ كەرەك.
دۇرىس تاڭداۋدىڭ ماڭىزى
كىمنەن ۇلگى الاتىنىڭ ٴجۇرىس-تۇرىسىڭا اسەر ەتەدى.
كيەلى كىتاپ ماسىحشىلەردى جاقسى ادامداردان ۇلگى الۋعا شاقىرىپ بىلاي دەيدى: «ٴجۇرىس-تۇرىستارىنىڭ يگىلىكتى ناتيجەسى تۋرالى وي جۇگىرتىپ، ولاردىڭ سەنىمىنە ەلىكتەڭدەر» (ەۆرەيلەرگە 13:7).
كەڭەس: كىمدى ۇلگى ەتەتىنىڭ ساعان جاقسى نە جامان جاعىنان اسەر ەتەتىندىكتەن، جاي عانا تانىمال نە وزىڭمەن جاستى ادامداردى ەمەس، شىنىمەن جاقسى قاسيەتتەرى بار ادامداردى ۇلگى تۇت.
«مەن ەدام دەگەن باۋىرلاستان كوپ نارسەگە ۇيرەندىم. ونىڭ تانىتاتىن كوزقاراسى مەن ٴجۇرىس-تۇرىسىنا قىزىعاتىنمىن. ونىڭ كەيبىر ايتقان سوزدەرى مەن جاساعان ىستەرى ٵلى كۇنگە دەيىن ەسىمدە. بۇنىڭ ٴبارى ماعان قالاي اسەر ەتكەنىن ول باۋىرلاس ٴتىپتى بىلمەيدى دە» (كولين).
كىمنەن ۇلگى الاتىنىڭ وي قالپىڭا جانە سەزىمىڭە اسەر ەتەدى.
كيەلى كىتاپتا مىناداي سوزدەر بار: «الدانباڭدار، جامان ورتا جاقسى ادەتتەن ايىرادى» (قورىنتتىقتارعا 1-حات 15:33).
كەڭەس: تەك سىرت كورىنىسى تارتىمدى ادامعا ەمەس، جاقسى قاسيەتتەرى بار ادامعا ەلىكتەۋگە تىرىس. ايتپەسە، اقىرىندا كوڭىلىڭ قالىپ قالۋى مۇمكىن.
«ٴساندى كيىنەتىن ادامدارمەن ٶزىڭدى سالىستىرا بەرسەڭ، ٶزىڭدى ۇسقىنسىز، تۇككە تۇرعىسىز سەزىنىپ كەتەسىڭ. ٴسۇيتىپ، جاتساڭ-تۇرساڭ سىرت-كورىنىسىڭدى عانا ويلايتىن بولاسىڭ» (تامارا).
ويلاناتىن جايت. جۇلدىزدار مەن سپورتشىلارعا ەلىكتەۋدىڭ قانداي قاۋپى بار؟
كىمنەن ۇلگى الاتىنىڭ ماقساتتارىڭا جەتەسىڭ بە، جوق پا — سوعان اسەر ەتەدى.
كيەلى كىتاپ بىلاي دەيدى: «دانامەن جۇرگەن دانا بولار» (ناقىل سوزدەر 13:20).
كەڭەس: ٶزىڭ ماقسات ەتكەن جاقسى قاسيەتتەردى تانىتىپ جۇرگەن ادامداردى ۇلگى ەت. ولاردى سىرتتاي باقىلاپ جۇرسەڭ، ماقساتىڭا جەتۋ ٷشىن ناقتى نە ىستەي الاتىنىڭدى كورەسىڭ.
«مەن جاۋاپكەرشىلىككە ۇيرەنگىم كەلەدى» دەگەن جالپى ماقسات قويۋدىڭ ورنىنا، «مەن دجەين سياقتى ىسىنە جاۋاپكەرشىلىكپەن قارايتىن ادام بولعىم كەلەدى. ول ەشقاشان ەشقايدا كەشىكپەيدى، تاپسىرمالارىن دا تياناقتى ورىندايدى» دەگەن دۇرىسىراق» (ميريام).
ويتۇيىن: ٶزىڭ قالاعانداي ادام بولۋ ٷشىن، ۇلگى ەتكىڭ كەلەتىن ادامدى دۇرىس تاڭداۋىڭ كەرەك.
ۇلگى تۇتاتىن ادامىڭ بولسا، ماقساتتارىڭا توتە جولمەن تەزىرەك جەتەسىڭ!
قالاي تاڭداۋ كەرەك؟
ۇلگى ەتكىڭ كەلەتىن ادامدى تاڭداۋدىڭ ەكى جولى بار:
بويىڭدا قاي قاسيەتتى دامىتقىڭ كەلەتىنىن انىقتا، سوسىن سول قاسيەتتى جاقسى تانىتىپ جۇرگەن ادامدى ىزدە.
ٶزىڭدى ٴتانتى ەتەتىن ٴبىر ادامدى تاڭدا، سوسىن ونىڭ بويىنداعى ٶزىڭ تانىتقىڭ كەلەتىن قاسيەتىنە ەلىكتە.
بۇل ورايدا ساعان وسى ماقالانىڭ جۇمىس پاراعى كومەكتەسەدى.
ۇلگى تۇتقىڭ كەلەتىن تۇلعالاردى كەلەسى ادامداردىڭ اراسىنان تاڭداي الاسىڭ:
قۇرداستارىڭ. «مەن ٶزىمنىڭ جان دوسىما ۇقساعىم كەلەدى. ول بىرەۋگە كوڭىل بولۋگە ٵردايىم ۋاقىت تابادى. ونىڭ جاسى مەنەن كىشى. ٴبىراق ونىڭ بويىندا مەندە جوق تاماشا قاسيەتتەر بار. ول — مەن ٷشىن ۇلگى» (ميريام).
ەرەسەكتەر. بۇل سەنىڭ اتا-اناڭ نە سەنىمەن بىرگە قۇدايعا قىزمەت ەتەتىن باۋىرلاستارىڭ بولۋى مۇمكىن. «اتا-انام مەن ٷشىن ەڭ كەرەمەت ۇلگى. ولاردىڭ تاماشا قاسيەتتەرى كوپ. ارينە، كەمشىلىكتەرى دە جوق ەمەس. ٴبىراق سوعان قاراماستان قۇدايعا ادالدىق تانىتىپ ٴجۇر. ولاردىڭ جاسىنا كەلگەندە، مەن دە سولار سياقتى بولعىم كەلەدى» (اننەت).
كيەلى كىتاپ كەيىپكەرلەرى. «مەن كيەلى كىتاپتان ۇلگى تۇتقىم كەلەتىن بىرنەشە كەيىپكەردى تاڭداپ الدىم. ولار: تىموتە، رۋت، ٵيۇپ، پەتىر جانە يسرايلدىك كىشكەنتاي قىز. ٵرقايسىسىنان ٵرتۇرلى نارسەگە ۇيرەنەمىن. ولار تۋرالى كوبىرەك بىلگەن سايىن، ولار مەن ٷشىن جاندانا تۇسەدى. مەن «سەنىمىن سەرىك ەتكەندەر» دەگەن كىتاپتى جانە «جاستاردىڭ ساۋالدارى. پايدالى كەڭەستەر» باسىلىمىنداعى «وتكەننەن ونەگە» دەگەن قورشاۋدى زەرتتەگەندى ۇناتامىن» (مەليندا).
كەڭەس: ٴبىر عانا ادامنان ۇلگى الۋمەن شەكتەلمە. ەلشى پاۋىل ماسىحشىلەرگە بىلاي دەگەن: «ٴبىزدىڭ ۇلگىمىزگە ەلىكتەپ جۇرگەندەرگە دە نازار سالىڭدار» (فىلىپىلىكتەرگە 3:17).
سەن بىلگەنسىڭ بە؟ سەن دە بىرەۋگە ۇلگى بولا الاسىڭ! كيەلى كىتاپتا بىلاي دەلىنگەن: «ادال بولىپ جۇرگەندەرگە سوزىڭمەن، ٴجۇرىس-تۇرىسىڭمەن، سۇيىسپەنشىلىگىڭمەن، سەنىمىڭمەن جانە پاك تازالىعىڭمەن ۇلگى كورسەت» (تىموتەگە 1-حات 4:12).
«ٶزىڭ باسقالاردان ۇلگى الا ٴجۇرىپ، وزگەلەرگە دە جاقسارۋعا كومەكتەسە الاسىڭ. ەشقاشان سىرتىڭنان كىمنىڭ باقىلاپ جۇرگەنىن جانە سوزدەرىڭنىڭ بىرەۋدىڭ ٶمىرىن قالاي وزگەرتۋى مۇمكىن ەكەنىن بىلمەيسىڭ» (كيانا).
قىزىقتى بولار مالىمەتتەر
فلوماستەرلىك انيماسيا
ناعىز دوس قانداي بولادى؟
وتىرىك دوستار كوپ، ٴبىراق شىن دوستى قالاي تابا الاسىڭ؟
جاستاردىڭ ساۋالدارى
كينو، گازەت-جۋرنالداعى قىزدارعا ەلىكتەگەن نەگە دۇرىس ەمەس؟ (1-ٴبولىم) قىزدارعا ارنالعان
ەشكىمگە ەلىكتەمەي، جەكە-دارا بولمىسىمدى قالىپتاستىرىپ جاتىرمىن دەپ ويلايتىن جاسوسپىرىمدەردىڭ كوبىسى شىندىعىنا كەلگەندە كينو، گازەت-جۋرنالدا كورسەتىلەتىن قىزدارعا ەلىكتەيدى.
قۇرداستارىڭ نە دەيدى؟
كامەرون ەڭ جاقسى ٶمىر جولىن تاڭدادى
ٶمىرىڭىزدىڭ قۋانىشقا تولى بولعانىن قالايسىز با؟ كامەرون ەسىمدى جاس قىزدىڭ بەيتانىس جەردە قالاي كوپ قۋانىشقا كەنەلگەنى جايلى بەينەروليكتى كورىڭىز.
