Matye 1:1-25
1 Liv sa a rakonte istwa lavi* Jezi Kris*, pitit David+, pitit Abraram+.
2 Abraram se te papa Izarak+.Izarak se te papa Jakòb+.Jakòb se te papa Jida+ ak frè l yo.
3 Jida se te papa Perès ak Zera+. Li te fè yo ak Tama.Perès se te papa Ezwon+.Ezwon se te papa Ram+.
4 Ram se te papa Aminadab.Aminadab se te papa Nachon+.Nachon se te papa Salmon.
5 Salmon se te papa Bowaz. Li te fè l ak Rahab+.Bowaz se te papa Obèd. Li te fè l ak Rit+.Obèd se te papa Jese+.
6 Jese se te papa wa David+.David se te papa Salomon+. Li te fè l ak fi ki te madanm Ouri a.
7 Salomon se te papa Wobowam+.Wobowam se te papa Abija.Abija se te papa Aza+.
8 Aza se te papa Jozafa+.Jozafa se te papa Jeworam+.Jeworam se te papa Ozyas.
9 Ozyas se te papa Jotam+.Jotam se te papa Ahaz+.Ahaz se te papa Ezekyas+.
10 Ezekyas se te papa Manase+.Manase se te papa Amon+.Amon se te papa Jozyas+.
11 Jozyas+ se te papa Jekónyas+. Li te fè l ak lòt pitit gason l yo nan epòk yo te mennen Juif yo ann egzil nan Babilòn+.
12 Apre yo te fin mennen Juif yo ann egzil nan Babilòn, Jekónyas te fè Cheyaltyèl.Cheyaltyèl se te papa Zowobabèl+.
13 Zowobabèl se te papa Abiyoud.Abiyoud se te papa Elyakim.Elyakim se te papa Azò.
14 Azò se te papa Zadòk.Zadòk se te papa Akim.Akim se te papa Eliyoud.
15 Eliyoud se te papa Eleyaza.Eleyaza se te papa Matan.Matan se te papa Jakòb.
16 Jakòb se te papa Jozèf, ki te marye ak Mari, manman Jezi+, sila a yo rele Kris la+.
17 Konsa, soti nan Abraram rive nan David, sa fè 14 jenerasyon. Soti nan David rive lè yo te mennen Juif yo ann egzil nan Babilòn, sa fè 14 jenerasyon. Soti lè yo te mennen Juif yo ann egzil nan Babilòn rive nan Kris la, sa fè 14 jenerasyon.
18 Men ki jan Jezi Kris te fèt: Pandan Mari, manman Jezi, te fiyanse ak Jozèf, anvan menm yo te marye, Mari te vin ansent grasa lespri sen*+.
19 Men, piske Jozèf, mari l*, se te yon moun ki jis, e li pa t vle pou sa fè yon eskandal piblik, li te gen entansyon divòse* avè l an sekrè+.
20 Men, apre li fin reflechi sou sa, yon zanj Jewova* parèt sou li nan yon rèv, li di l: “Jozèf, pitit David, ou pa bezwen pè pran Mari, madanm ou, lakay ou, paske se grasa lespri sen li ansent+.
21 L ap fè yon pitit gason, e ou dwe rele l Jezi*+, paske li pral delivre pèp li a anba peche yo fè+.”
22 Tout bagay sa yo te rive, yon fason pou sa Jewova* te di pa mwayen pwofèt li a te ka reyalize. Men sa l te di:
23 “Gade! Jèn fi vyèj la ap vin ansent, l ap fè yon pitit gason, e y ap rele l Emànyèl+.” Non sa a vle di: “Bondye avèk nou+.”
24 Lè Jozèf leve nan dòmi, li fè sa zanj Jewova* a te di l fè a. Li pran madanm li lakay li.
25 Men, li pa t antre nan relasyon avè l jiskaske li fè yon pitit gason+, e Jozèf te rele pitit la Jezi+.
Nòt anba paj
^ Oswa: “Liv sa a bay lis fanmi”.
^ Oswa: “Mesi a; Moun Bondye chwazi a”.
^ Oswa: “grasa fòs Bondye ki t ap aji”.
^ Selon koutim Juif yo, yon divòs te nesesè pou kraze yon fiyansay.
^ Selon koutim Juif yo, yo te rele gason ki fiyanse yo mari fi yo fiyanse avè l la.
^ Nan tèks prensipal tradiksyon sa a, se premye kote non Bondye, Jewova, parèt sou 237 fwa li parèt nan Liv ki te ekri an grèk yo. Gade Apendis A5.
^ Non sa a koresponn ak non ebre Jechwa, oswa Jochwa, ki vle di: “Jewova se delivrans”.
^ Gade Apendis A5.
^ Gade Apendis A5.
