දරුවන් දෙවියන්ට ආදරය කරන්නේ ඔහු ඉන්නවා කියලත් ඔහු දරුවන්ට ආදරෙයි කියලත් තහවුරු වුණොත් විතරයි. ඔවුන් දෙවියන්ට ආදරය කරන්න නම් ඔහු ගැන දැනගන්න ඕනේ. (1 යොහන් 4:8) දෙවියන් මිනිසුන්ව නිර්මාණය කළේ ඇයි, මිනිසුන්ට දුක්විඳින්න ඉඩහැරලා තියෙන්නේ ඇයි, අනාගතයේදී ඔහු මිනිසුන් වෙනුවෙන් කරන්නේ මොනවාද කියන ඒ ප්‍රශ්නවලට දරුවන් උත්තර දැනගන්න ඕනේ.—ෆිලිප්පි 1:9 කියවන්න.

දෙවියන්ට ආදරය කරන්න දරුවන්ට උගන්වන්න නම් ඔබ දෙවියන්ට ආදරය කරනවා කියලා දරුවෝ දකින්න ඕනේ. ඔවුන් ඔබව ආදර්ශයට ගන්නේ එතකොටයි.—ද්විතීය කතාව 6:5-7; හිතෝපදේශ 22:6 කියවන්න.

දෙවියන්ගේ වචන බලවත්. (හෙබ්‍රෙව් 4:12) ඒ නිසා බයිබලයේ තියෙන මූලික ඉගැන්වීම් දරුවන්ට කියලා දෙන්න. යේසුස් මිනිසුන්ගේ හදවතට කතා කළේ ප්‍රශ්න අහලා, සවන් දීලා, බයිබල් පද පැහැදිලි කරලා දීලයි. ඔබටත් පුළුවන් යේසුස්ව ආදර්ශයට අරන් ඒ විදිහට දරුවන්ට උගන්වන්න.—ලූක් 24:15-19, 27, 32 කියවන්න.

දෙවියන් මිනිසුන් එක්ක කටයුතු කරපු විදිහ ගැන වාර්තා බයිබලයේ තියෙනවා. දෙවියන්ව හොඳට දැනගෙන ඔහුට ආදරය කරන්න දරුවන්ට උගන්වන්න ඒවා යොදාගන්න පුළුවන්. ඒ සඳහා උදව් වෙන ප්‍රකාශන www.mr1310.com/si වෙබ් අඩවියේ තියෙනවා.—2 තිමෝති 3:16 කියවන්න.